आईसीसी १९ वर्ष मूनीको महिला टी–२० विश्वकप एशिया छनोटमा नेपालले आज यूएईसँग खेल्दै

०८१,कात्तिक २४,शनिबार,

आईसीसी यू- १९ महिला टी- २० विश्वकप एसिया छनोटअन्तर्गत आज नेपालले युनाइटेड अरब इमिरेट्स (यूएई) सँगै खेल्दै छ ।

उक्त खेल नेपाली समय अनुसार यूएईको मैदानमा बिहान ११ः१५ बजे खेल शुरु हुनेछ। प्रतियोगितामा नेपालले पहिलो खेलमा थाइल्याण्डलाई ६७ रनको फराकिलो अन्तरले पराजित गरेको थियो। यस्तै दोस्रो खेलमा बिहीबार कुवेतलाई १०८ रनले हराएको थियो ।

प्रतियोगितामा आयोजक यूएईसहित नेपाल, कुवेत र थाइल्याण्ड सहभागी छन् । सहभागी चार टोलीमध्ये शीर्ष स्थान हासिल गर्ने टोली आईसीसी १९ वर्ष मूनीको महिला टी–२० विश्वकपका लागि छनोट हुनेछ ।

१९ वर्ष मूनीको विश्वकप क्रिकेट प्रतियोगिता अर्को वर्ष जनवरीमा मलेसियामा आयोजना हुँदैछ ।