आईसीसी १९ वर्ष मूनीको महिला टी–२० विश्वकपको अन्तिम खेल जित्नैपर्ने दबाबमा नेपाल यूएईविरुद्ध

०८१,कात्तिक २८,बुधबार,

आईसीसी यू- १९ महिला टी- २० विश्वकप एसिया छनोटअन्तर्गत आज अन्तिम खेल नेपालले घरेलु टोली यूएईसँग खेल्दैछ । यूएईको सेभेन्स स्टेडियममा हुने यो खेल नेपाली समयअनुसार दिउँसो सवा ३ बजे शुरू हुनेछ ।

आज हुने यस खेलले विश्वकपमा छनौट हुने टिमको निर्णय लिने छ।नेपाल यस खेलमा जित्नैपर्ने अवस्थामा रहेको छ। यूएईसँगको यसअघिको खेलमा नेपाल १३ रनले पराजित भएको थियो । प्रतियोगिताको पहिलो खेलमा नेपालले थाइल्यान्डलाई ६७ रनले र दोस्रो खेलमा कुवेतलाई १ सय ८ रनले हराएको थियो । यस्तै चौथो खेलमा नेपालले थाइल्यान्डलाई १ सय ६ रनले हराएको थियो ।

प्रतियोगितामा युएई ५ खेलमा सबै खेल जितेर १० अंकसहित शिर्ष स्थानमा छ भने नेपालले ५ खेलमा ४ जित र एक हार बेहोर्दै ८ अंकसहित दोस्रो स्थानमा रहेको छ। २ अंकले पछि रहेको नेपालले युएईलाई राम्रो रनरेटमा पराजित गरेर शिर्ष स्थानमा उक्लिने अवसर रहेको छ।

प्रतियोगितामा नेपालसहित घरेलु टोली यूएई, थाइल्यान्ड र कुवेत सहभागी छन् ।

डबल राउण्ड रोविनका आधारमा खेलाइएको यस प्रतियोगितामा शीर्ष स्थानमा रहने टोली अर्को वर्ष मलेसियामा हुने यू-१९ महिला टी-२० विश्वकपमा छनोट हुनेछ।