आजबाट नीलकण्ठ नगरपालिकास्तरीय राष्ट्रपति रनिङ शिल्ड प्रतियोगिता सुरु (फोटो फिचर)

धादिङको नीलकण्ठ नगरपालिकामा आजदेखी नगरपालिका स्तरीय राष्ट्रपति रनिङ शिल्ड प्रतियोगिता सुरु भएको छ ।

नीलकण्ठ नगरपालिकाका नगर प्रमुख भीमप्रसाद ढुंगानाको अध्यक्षतामा सम्पन्न भएको उद्घाटन कार्यक्रममा नगर उप–प्रमुख दिपक विश्वकर्माको विशेष आतिथ्यता रहेको थियो । प्रतियोगिताको उद्घाटन गर्नुहुदै नगर प्रमुख भीम प्रसाद ढुंगानाले शिक्षा र खेल क्षेत्रलाई अगाडी बढाउनको लागि नीलकण्ठ नगरपालिकाले सबैभन्दा बढी रकम बिनियोजित गरेको बताउनुभयो । खेल क्षेत्रको विकासको लागि नगरपालिकाले विगतमा विभिन्न प्रतियोगिता सन्चालन गरीरहेको भन्दै उहाँले यसबर्ष पनि भलिबल,फुटबल,फुटसल,व्याडमिन्टन लगायतको प्रतियोगिता सन्चालन गर्ने बताउनुभयो ।

जिल्ला स्तरीय प्रतियोगितामा स्वर्ण पदक बिजेताहरुलाई नगरपालिकाले प्रति स्वर्ण पदक बराबर दूई हजार नगद पुरस्कार दिने घोषणा गर्नुभएको छ । जिल्ला,प्रदेश तथा संघ स्तरीय प्रतियोगितामा सहभागी हुने नीलकण्ठ नगरपालिकाका खेलाडीहरुको खर्च नगरपालिकाले व्यहोर्ने समेत बताउनुभयो ।

कार्यक्रममा धादिङका प्रमुख जिल्ला अधिकारी सुमन घिमिरे,नीलकण्ठ नगरपालिकाका प्रमुख प्रशासकीय अधिकृत पुरुषोत्तम सुवेदी, नेपाल नगरपालिका संघका सल्लाहकार सरोज अधिकारी,नीलकण्ठ नगरपालिकाका प्रवक्ता तथा वडा नम्बर ८ का वडा अध्यक्ष प्रकाश कुमार श्रेष्ठ,वडा अध्यक्षहरु,जिल्ला खेलकुद विकास समितिका अध्यक्ष प्रताप सिंह तामाङ,नेपाल पत्रकार महासंघ धादिङ शाखाका सचिव सन्तोषराज श्रेष्ठ लगायतको आतिथ्यता रहेको थियो ।

प्रतियोगितामा २५ वटा सामुदायीक र ४ वटा संस्थागत गरी २९ वटा माध्यामिक विद्यालयहरुले सहभागिता जनाएका छन् । प्रतियोगितामा तीन दिन सम्म सन्चालन हुनेछ ।

राष्ट्रपति रनिङशिल्ड प्रतियोगीतामा समावेस खेल विधा भलिवल : छात्र / छात्रा ९/९ जना मात्र,कवड्डी छात्र/छात्रा ९/९ जना मात्र, तेक्वान्दो छात्र- ४५, ४८, ५१, ५५, ५९ के. जी. र एकल पुम्से,छात्रा- ४२, ४४, ४६, ४९, ५२ के.जी. र एकल पुम्से,
कराते छात्र- ४२, ४७, ५२, ५७, ६२ के.जी. र काता एकल,छात्रा- ४०, ४५, ५०, ५५, ६० के.जी. र काता एकल,एथलेटिक्स : छात्र/छात्रा दुवै इभेन्ट्स (एक जना खेलाडीले एक ट्र्याक दुइ फिल्ड तथा एक फिल्ड ट्र्याक इभेन्ट मात्र खेल्न पाउनेछ भने रिलेमा मान्य हुनेछैन )
दौड : १०० मि. २०० मि. ४०० मि. ८०० मि. १५०० मिटर, ३००० मिटर । (छात्र र छात्रा ),रिले दौड : ४×१०० मि. ४ ४०० मि. (छात्र र छात्रा),हाइ-जम्प, लङ -जम्प, त्रिपल – जम्प (छात्र र छात्रा),सटपुट : छात्र (१२ पाउन्ड) र छात्रा (८ पाउन्ड) ५. ज्याभलिन थ्रो : छात्र (८०० ग्राम) र छात्रा (६०० ग्राम) लगायतका खेलहरु हुनेछन् ।