इजरायलको हवाई आक्रमण उत्तरी गाजास्थित आवासीय भवनमा , ३४ जनाको मृत्यु

०८१ मंसिर ३,सोमबार,

स्थानीय नागरिक रक्षा एजेन्सीका अनुसार उत्तरी गाजाको बेइट लाहियामा रहेको पाँचतले आवासीय भवनमा इजरायलले हवाई आक्रमण गर्दा कम्तीमा ३४ जनाको मृत्यु भएको छ । सातजना घाइते भएका छन् ।

एजेन्सीका अनुसार मृतकमध्ये धेरै महिला र बालबालिका छन् । अझै पनि कैयाँ मानिस भग्नावशेषमुनि पुरिएको हुनसक्ने अनुमान गरिएको छ । इजरायली सेनाले हमासलाई पुनः संगठित हुनबाट रोक्ने प्रयासमा बेइट लाहिया लगायत उत्तरी गाजामा आक्रमण गरेको बताएको छ । मध्य गाजास्थित शरणार्थी शिविरमा भएको तीन आक्रमणमा १५ जनाको ज्यान गएको छ ।