एभरेष्ट महिला भलिबल लिगको उपाधि कर्णालीलाई

एभरेस्ट महिला भलिबल लिगको उपाधि कर्णाली यश्विसले जितेको छ ।

त्रिपुरेश्वरको कभर्ड हलमा भएको फाइनल खेलमा कर्णालीले ललितपुर क्वीन्सलाई ३–२ को सेटमा हराउँदै उपाधि जित्यो ।

शुरुको दुई सेट कर्णाली २५–१७, २५–२० ले जितेको थियो । सलिना श्रेष्ठ कप्तानीमा रहेको ललितपुरले तेस्रो सेट २५–१२ र चौथो सेट २५–१८ ले जित्यो । कर्णालीले लिग चरणमा पनि ललितपुरलाई हराएको थियो । ललितपुरले हारेको कर्णालीसँग मात्र हो ।

लिगमा च्याम्पियन कर्णाली र उपविजेता ललितपुरसहित मधेश युनाइटेड, काठमाडौँ स्पाइकर्स, चितवन शक्ति र गण्डकी थण्डर्स गरी ६ वटा फ्रेन्चाइज टोलीको सहभागिता रहेको थियो ।