एसीसी अन्डर–१९ महिला एसिया कप क्रिकेटमा नेपालले आज भारतसँग खेल्दै

०८१,पुस २,मंगलबार,

एसीसी अन्डर–१९ महिला एसिया कप क्रिकेटमा नेपालले आज भारतसँग खेल्दैछ ।

एक खेल अगावै सुपर फोरमा प्रवेश गरेका भारत र नेपाल आज आमनेसामने हुन लागेका हुन् । खेल नेपाली समयअनुसार बिहान पौने १२ बजे शुरू हुनेछ । आफ्नो पहिलो खेलमा नेपालले पाकिस्तानको अन्डर १९ टिमलाई ६ विकेटले पराजित गर्दै नेपालले सुपर फोरमा स्थान सुरक्षित गरेको हो ।

दुवै समूहका शीर्ष दुई टोली सुपर फोरमा प्रवेश गर्ने छन् ।  सिङ्गल राउन्ड रोविनका आधारमा खेलिने सुपर फोरका शीर्ष दुई टोलीबीच फाइनल हुने छ । एशियाका छ टोलीको सहभागिता रहेको प्रतियोगिताको समूह ‘ए’ मा बङ्गलादेश, मलेसिया र श्रीलङ्का छन् ।  समूह ‘बी’ मा भारत, पाकिस्तान र नेपाल छन् ।