कृष्णभीरमा सडक भासिँदा एकतर्फी सवारी सञ्चालन

भिषण श्रेष्ठ,धादिङ

धादिङको बेनिघाट रोराङ गाउँपालिकामा पर्ने पृथ्वी राजमार्गको कृष्णभीरमा आज बिहान सडक भासिएर एकतर्फी सञ्चालनमा आएको छ ।

लाइफलाइन मानिएको राजमार्ग  कृष्णभीरमा सडक करिब ४० मिटर भासिएको छ । सडक भासिएपछि एकतर्फी सवारी सञ्चालन गरिएको र यस क्षेत्रमा प्रहरी परिचालन गरिएको ईलाका प्रहरी कार्यालय गजुरीका प्रमुख डिल्ली नारायण पाण्डेले बताउनु भयो ।

सडक भासिएपछी थप अध्ययन गर्न जिल्ला प्रशासन कार्यालयको समन्वयमा भुगर्भ विदहरु कृष्णभीर पुगेका छन् ।