चलचित्र ‘कार्साङ’को ट्रेलर सार्वजनिक,पुस २६ गते रिलिज हुने

चलचित्र ‘कार्साङ’को ट्रेलर सार्वजनिक भएको छ ।

‘कार्साङ’मा दयाहाङ राई, सिर्जना निङलेखुसँगै जितु नेपाल, दीया मास्के, बुद्धि तामाङ, सृष्टि गौतम, डोमा ह्योल्मो, प्रेम लोप्चन र सुरवीर पण्डितलगायत कलाकारको अभिनय रहेको छ । पुस २६ गते रिलिज हुने चलचित्रको ट्रेलर बुधबार निर्माणपक्षले सार्वजनिक गरेको हो ।

चलचित्र ‘कार्साङ’ यम शेर्पाको डेब्यु निर्देशन हो । ‘कार्साङ’ ग्रामीण परिवेशमा आधारित पारिवारिक कथावस्तुमा केन्द्रित सिनेमा हो ।  यार्सा फिल्म्स र पुरुषोत्तम प्रधान फिल्मसको प्रस्तुतिमा बनेको यो चलचित्रका निर्माता तथा छायांकार पुरुषोत्तम प्रधान हुन् । सह–निर्मातामा गोविन्द बोहरा छन् ।

चलचित्रको मुख्य पात्रले स्वाभिमानका लागि गर्ने संघर्ष र सम्झौता, अन्धविश्वास, परिवारको माया, अरुको चियोचर्चो गर्ने समाजले परिवारलाई कसरी छिन्नभिन्न पार्छ भन्ने देखाउन ट्रेलर सफल छ ।