धादिङको मार्पाकमा “वडा अध्यक्ष कप” भलिबल प्रतियोगिता हुने

२०८१,कात्तिक १२,सोमबार,भिषण श्रेष्ठ,

धादिङको मार्पाकमा नेत्रावती डवजोङ गाउँपालिका वडा नम्बर १ को आयोजनामा “वडा अध्यक्ष कप पालिका स्तरीय भलिवल प्रतियोगीता २०८१” आयोजना हुने भएको छ ।

यहि कार्तिक १५ र १६ गते मार्पाक स्थित निरञ्जना माविको खेल मैदान भलिबल प्रतियोगिता हुने नेत्रावती डवजोङ गाउँपालिका वडा नम्बर १ का अध्यक्ष ठाकुर गुरुङले बताए ।

वडा कार्यलयका अनुसार एक वडा एक टिमको मात्रै भलिबल प्रतियोगितामा भाग लिन पाउने भएकोले नेत्रावती डवजोङ गाउँपालिका भित्रका  ४ वटा वडाको सहभागीता हुने भएको छ ।

वडा अध्यक्ष कप भलिबल प्रतियोगिता २०८१ को प्रथम हुने टिमले नगद रु.२५०००।– सहित ट्रफि र मेडल प्राप्त गर्नेछ, भने द्धितिय हुने टिमले नगद रु.१५०००।– सहित ट्रफि र मेडल प्राप्त गर्ने र तृतिय हुने टिमले नगद रु.१००००।–  यसैगरी विधागततर्फ उत्कृष्ट खेलाडी, उत्कृष्ट स्पाइकर, उत्कृष्ट ब्लकर, ट्रफी, मेडल र प्रमाणपत्र प्राप्त गर्ने वडा कार्यलयले जनाएको छ ।

सूचनामा उल्लेख भए अनुसार टिम दर्ताको लागि कार्तिक १४ गते ५ बजे सम्म गर्न सकिने छ भने थप जानकारीका लागि निम्न नम्बर ९८४९०६१८३७ बच्चुराम थापा मगर, ९८६१४९१४८४ आइतराम गुरुङ र वडा अध्यक्ष ठाकुर गुरुङ ९८५१२१०९७५ मा सम्पर्क गर्न सकिने बताईएको छ ।