बाढीपहिरोमा परी मृत्यु हुनेको संख्या २४६ पुग्यो,सबै भन्दा बढी वाग्मती प्रदेशमा

एक साता अघि अविरल वर्षासँगै बाढीपहिरोमा परी हालसम्म २४६ जनाको मृत्यु ,१८ जना बेपत्ता,१७८ जना घाइते भएका प्रहरीले जनाएको छ ।

वर्षासँगै बाढीपहिरोले सडक, पुल, सार्वजनिक सम्पत्ति, व्यक्तिका निजी घर तथा आवासलगायत भौतिक संरचनामा पनि ठूलो क्षति पुगेको छ । वाग्मती प्रदेशमा सबैभन्दा बढी १३९ जनाले ज्यान गुमाए,७ जना बेपत्ता,काठमाडौं उपत्यकामा मात्र ७० जनाको मृत्यु,काठमाडौं उपत्यकामा ७ जना बेपत्ता छन् ।

बाढीपहिरोमा परी कोसी प्रदेशमा २० जनाले ज्यान गुमाए,२० जना बेपत्ता छन् ।

मधेस प्रदेशमा ९ जनाको मृत्यु भएको छ ।

लुम्बिनी प्रदेशमा २ जनाको मृत्यु भएको प्रहरीले जनाएको छ ।

१७ हजार १७४ भन्दा बढी मानिसको उद्धार गरिएको प्रहरी प्रधान कार्यालयले जानकारी गराएको छ ।