विश्वकपमा पुगेको यू–१९ महिला क्रिकेटरलाई नेपाल क्रिकेट संघ (क्यान)ले जनही २ लाख ५० हजार दिने घोषणा

नेपाल क्रिकेट संघ (क्यान)ले विश्वकपमा छनोट भएको यू–१९ महिला टोलीका सदस्यहरुलाई क्रिकेट संघका अनुसार टोलीका प्रत्येक खेलाडीलाई प्रोत्साहन स्वरुप जनही २ लाख ५० हजार र टिम अफिसियलहरुलाई १ लाख ५० हजार नगदसहित सम्मान गर्ने भएको छ ।

बुधबार भएको निर्णायक खेलमा यूएईलाई हराउँदै नेपाल आगामी जनवरीमा मलेसियामा हुने यु-१९ महिला विश्वकपमा छनोट भएको थियो । त्यस्तै नेपाल यसै वर्ष डिसेम्बरमा मलेसियामै हुने एसिसी यू-१९ महिला एसिया कपका लागि पानि छनोट भएको छ,संघका प्रवक्ता छुम्बी लामाले जानकारी दिए ।