अभिनेता सलोन बस्नेत प्रस्तुतकर्ता रहेको फिल्म रंगीको छायांकन २६ दिनमा पूरा भएको हो ।
सान्भी इन्टरटेनमेन्ट प्रालिको ब्यानरमा निर्माणाधीन फिल्म रंगीको छायांकन पूरा भएको छ । निर्देशक न्यौपानेले छक्का पन्जा, ए मेरो हजुर–२, यात्रा, म यस्तो गीत गाउँछु २, कृलगायत फिल्ममा मुख्य सहायक निर्देशनको अनुभव बटुलेपछि यो फिल्बाट निर्देशनमा डेब्यू गरेका हुन् ।
३० दिनको समयतालिका लिएर छायांकनमा गएको फिल्म निर्धारित समयभन्दा चार दिनअघि नै इन्डक्ल्याप भएको हो । सुरेश न्यौपानेको डेब्यू निर्देशनमा निर्माणाधीन फिल्ममा सलोन बस्नेत, नम्रता श्रेष्ठ, दिलीप रायमाझी, आयुषी ढकाल, उत्तम केसी, सुमिन गुरुङ, विशाल पहारीलगायतले अभिनय गरेका छन् । सक्षम सुवेदीको निर्माण रहेको फिल्ममा सुमन गजमेरको लेखन, दुर्गेश थापा, आमेश भण्डारी र भीम बिसीको संगीत, कविराज गहतराज र शिशिर खातीको कोरियोग्राफी, सौरभ लामाको छायांकन तथा केवलमानसिंह बस्नेतको प्रोडक्सन छ।
