सुदर्शन रिजाल द्वारा धादिङ उद्योग बाणिज्य संघको वरिष्ठ उपाध्यक्षमा उम्मेद्वारी घोषणा

धादिङ उद्योग वाणिज्य संघको वरिष्ठ उपाध्यक्षमा सुदर्शन रिजालले उम्मेदवारी घोषणा गरेका छन् ।

मंगलबार धादिङबेसीमा उम्मेदवारी घोषणा सभाको कार्यक्रमको आयोजना गर्दै रिजालले यही पौष २६ र २७ गते हुने धादिङ उद्योग बाणिज्य संघको रिजालले संघ भित्र भएको आर्थिक अनियमिततालाई पूर्ण रुपमा नियन्त्रण गर्न,प्रशासनिक पारदर्शिता कायम गर्न र धादिङ उद्योग वाणिज्य संघको सुस्ताएको छविलाई शसक्त र व्यवसायी मैत्री बनाउन बरिष्ठ उपाध्यक्ष पदमा उम्मेद्वारी दिने आज एक कार्यक्रमको आयोजना गरि घोषणा गरेका हुन् ।

‘दिन होस् वा रात धादिङ उद्योग वाणिज्य संघ सबै व्यवसायीहरुको साथ’ भन्ने मूल मन्त्रलाई यथार्थमा बदल्न आफुले उम्मेदवारी दिएको उनले बताए । आर्थिक अनियमितता नियन्त्रण गरी प्रशासनिक पारदर्शिता कायम गर्ने, सुस्ताएको संघलाई सशक्त र व्यवसायी मैत्री बनाउनेछ’ उनले भने– ‘व्यवसायीको हितमा काम गर्नेछु । संघलाई व्यापार, लगानी र उद्यमशीलताको हिसावले नेतृत्वदायी संस्थाको रुपमा स्थापित गर्न आवश्यक छ । यो मन्दीको समयमा घर भाडा समस्या समाधान, व्यवसायी नितिहरुको वकालत, साझेदारी विकास, व्यवसायिक जोखिम न्यूनिकरण, उद्यम तथा व्यवसायको प्रवद्र्धन, संघलाई निजि क्षेत्रको एक भरोसा योग्य, सक्षम, गतिशील बनाउन मेरो उम्मेदवारी हो ।

तपाईको उम्मेदवारी घोषणामा ढिलाई भएन भन्ने प्रश्नमा रिजाल भन्छन्– ‘व्यवसायीहरुको घर आँगनमा पुगेर सबै व्यवसायीहरुको मनोभावना अनुसार उम्मेदवारी घोषणा गरेको हुँ । त्यसैले अलि ढिलाई चाँहि भएके हो । तर मलाई सबै व्यवसायीहरु र राजनितिक दलहरुको सहयोग रहेको छ । यो नै मेरो जित्ने बलियो आधार हो र संघमा आफु ९ वर्षदेखी आवद्ध रहेको भन्दै उहाँले आफुलाई सबै राजनितिक दलसँगै सबै व्यवसायीहरुको साथ रहेको र एक्लै मैदानमा उत्रिएको बताउनुभयो ।

रिजालले आफ्नो प्रतिबद्धताहरु समेत सार्वजनिक गर्नुभएको छ।