सुनवलमा रड लोड गर्ने क्रेनले च्याप्दा एक कामदारको मृत्यु

पश्चिम नवलपरासीको सुनवल-७ स्थित लक्ष्मी स्टील्समा क्रेनले च्यापिएर एक जनाको मृत्यु भएको छ।

कम्पनीमा रड रोड गर्ने क्रममा खुट्टा चिप्लिन पुग्दा नजिकै रहेको क्रेनले च्यापेपछि चौधरी घाईते भएका थिए । उपचारको लागि देवदह मेडिकल कलेज भलुही ल्याईएकोमा डाक्टरले उनलाई मृत घोषणा गरेका हुन ।

कम्पनीमा काम गर्ने रुपन्देहीको मायादेवी गाउँपालिका वडा नं ५ निवासी २२ बर्षिय सुरेश चौधरीको क्रेनले च्यापिएर मृत्यु भएको इलाका प्रहरी कार्यलय सुनवलका प्रहरी निरीक्षक सन्तोष पौडेलले जानकारी दिनुभयो । रड लोड गर्ने लेवर काम गर्दै आएका चौधरी विगत ५ महिना देखि उक्त कम्पनीमा काम गर्दै आएको कम्पनीका जनरन म्यानेजर दामोदर पौडेलले बताउनुभयो ।