२७ स्वर्ण सहित नगर स्तरीय रास्ट्रपति रनिङ शिल्डको उपाधी निलकण्ठ बालमन्दिर मा.बि लाई

स्वर्ण पदक विजेता खेलाडीहरुलाई प्रोत्साहन स्वरुप जनही २-२ हजार र प्रथम हुने विद्यालयलाई रनिङ शिल्ड सहित ३० हजार, द्वितीय हुने विद्यालयलाई नगद २५ हजार र तृतीय हुने विद्यालयलाई नगद २० हजार पुरस्कार प्रदान गरिएको शिक्षा, युवा तथा खेलकुद शाखाका शिक्षा अधिकृत प्रकाशदत्त भट्टले बताउनुभयो ।

प्रतियोगितामा २५ वटा सामुदायीक र ४ वटा संस्थागत गरी २९ वटा माध्यामिक विद्यालयहरुले सहभागिता जनाएको प्रतियोगितामाराष्ट्रपति रनिङशिल्ड प्रतियोगीतामा समावेस खेल विधा भलिवल : छात्र / छात्रा ९/९ जना मात्र,कवड्डी छात्र/छात्रा ९/९ जना मात्र, तेक्वान्दो छात्र- ४५, ४८, ५१, ५५, ५९ के. जी. र एकल पुम्से,छात्रा- ४२, ४४, ४६, ४९, ५२ के.जी. र एकल पुम्से,कराते छात्र- ४२, ४७, ५२, ५७, ६२ के.जी. र काता एकल,छात्रा- ४०, ४५, ५०, ५५, ६० के.जी. र काता एकल,एथलेटिक्स : छात्र/छात्रा दुवै इभेन्ट्स (एक जना खेलाडीले एक ट्र्याक दुइ फिल्ड तथा एक फिल्ड ट्र्याक इभेन्ट मात्र खेल्न पाउनेछ भने रिलेमा मान्य हुनेछैन ) दौड : १०० मि. २०० मि. ४०० मि. ८०० मि. १५०० मिटर, ३००० मिटर । (छात्र र छात्रा ),रिले दौड : ४×१०० मि. ४ ४०० मि. (छात्र र छात्रा),हाइ-जम्प, लङ -जम्प, त्रिपल – जम्प (छात्र र छात्रा),सटपुट : छात्र (१२ पाउन्ड) र छात्रा (८ पाउन्ड) ५. ज्याभलिन थ्रो : छात्र (८०० ग्राम) र छात्रा (६०० ग्राम) लगायतका विधामा विद्यार्थी खेलाडीले प्रतिस्पर्धा गरेका थिए । प्रतियोगितामा विद्यागत प्रथम र द्वितीय,तृतीय बन्न सफल विद्यालयहरुलाई नगद सहित शिल्ड,मेडल र प्रमाणपत्रद्वारा सम्मान गरीएको थियो ।

कार्यक्रममा नीलकण्ठ नगरालिकाका नगर प्रमुख तथा नेपाल नगरपालिका संघका अध्यक्ष भीमप्रसाद ढुंगाना,उप–मेयर दिपक विश्वकर्मा,प्रमुख प्रशासकीय अधिकृत पुरुषोत्तम सुवेदी,वडा अध्यक्षहरु,कार्यपालिका सदस्यहरु,जिल्ला स्थित सरकारी कार्यलयका प्रमुख एवं प्रतिनिधिहरुको आतिथ्यता रहेको थियो । पुरस्कार समारोहलाई सम्बोधन गर्नुहुदै नगर प्रमुख भीम प्रसाद ढुंगानाले खेल क्षेत्रमा नीलकण्ठ नगरपालिका अगाडी रहेको बताउनुभयो ।