गण्डकी प्रदेशसभा सांसद दीपक मनाङे पक्राउ

०८१,कात्तिक २७,मंगलबार,

गण्डकी प्रदेशका प्रदेशसभा सदस्य रहेका दीपक मनाङे उर्फ राजीव गुरुङ काठमाडौंबाट पक्राउ परेका छन् । केन्द्रीय अनुसन्धान ब्युरो (सीआईबी) ले काठमाडौँको सानोभर्‍याङबाट उनलाई नियन्त्रणमा लिएको गृहमन्त्रीको सचिवालयले पुष्टि गरेको छ ।

२०६१ सालमा मिलन गुरुङ (चक्रे)माथि खुकुरी प्रहार भएको मुद्दामा गुरुङलाई अदालतले दोषी ठहर गरेको थियो । पुनरावेदन अदालत पाटनले २०६९ सालमा मनाङ्गेलाई कर्तव्य ज्यान मुद्दा अन्तर्गत पाँच वर्षको सजाय सुनाएको थियो। सोहि सर्वोच्च अदालतले मंगलबार मनाङेलाई ५ वर्ष कैदको फैसलासमेत सुनाएको छ,उक्त मुद्दामा मनाङे २ वर्ष जेल सजाय काटिसकेका छन्।

उनलाई अदालतको फैसला कार्यान्वयनका लागि आजै कारागार चलान गरिँदैछ ।