मुम्बईमा आगलागी हुँदा सातजनाको मृत्यु

भारतको दक्षिणपश्चिमी राज्य महाराष्ट्रको मुम्बई सहरमा आइतबार एक भवनमा आगलागी हुँदा दुई बालबालिका सहित कम्तीमा सात जनाको मृत्यु हुनुको साथै अन्य केही घाइते भएको स्थानीय प्रहरीले पुष्टि गरेको छ ।

देशको आर्थिक राजधानी मुम्बईको चेम्बुर क्षेत्रमा आइतबार बिहान आगलागी भएको थियो । मृतक सबै एकै परिवारका सदस्य थिए ।

भुइँतलामा पसल र पहिलोमा आवासीय एकाइ रहेको दुईतले भवनमा आगलागी भएको हो । घटना हुँदा उनीहरू सुतिरहेका थिए । रासस/सिन्ह्वा