सप्तरिमा बस दुर्घटना हुँदा १ जनाको घटना स्थलमा मृत्यु,२६ घाइते

२०८१,कात्तिक ४,आइतबार,

सप्तरीको बरमझियामा बिहान करिब ६:३० बजे यात्रुबाहक बस दुर्घटना हुँदा १ जनाको मृत्यु भएको छ,२६ घाइते बिराटनगर अस्पतालमा उपचार भइरहेको छ ।

गाईघाटबाट काकरभीटा जाँदै गरेको प्रदेश १-०१-००१ ख ४१२६ नम्बरको बस पल्टिँदा बसमा सवार रहेकी उदयपुरका मैया राईको घटना स्थलमा नै मृत्यु भएको छ ।

गाईघाटबाट काकरभीटा जाँदै गरेको उक्त बस बिपरित दिशाबाट आइरहेको स५प १५९३ नम्बरको मोटरसाइकलमा ठक्कर दिदा बस पल्टिएको प्रत्यक्ष दर्शिहरुले बताए । मोटर साइकल चालक कञ्चनरुप-२ बरमझियाको करिब २५ बर्षका सुमित पण्डित रहेको प्रहरीले बताए ।

बसमा सवार रहेको घाइते यात्रु सहित मोटर साइकल चालकलाई बिराटनगर अस्पतालमा उपचार भइरहेको छ ।

दुर्घटनाको थप अनुसन्धान भइरहेको प्रहरीले जनाएको छ।