नेपाली भलिबल टोलीका ११ औं कप्तान मानबहादुरले लिए सन्न्यास

२०८१,कात्तिक ४,आइतबार,

नेपाली राष्ट्रिय भलिबल टिमका ११ औं कप्तानले आइतवार सामाजिक सन्जाल मार्फत मानबहादुरले सन्न्यासको घोषणा गरेका हुन् ।

मानबहादुर राष्ट्रिय पुरुष भलिबल टोलीको ११ औं कप्तान थिए,धेरै सोचविचार पछि मैले नेपाली राष्ट्रिय टोलीको कप्तानी त्याग्ने र अवकाश लिने निर्णय गरेको छु। यो निर्णय लिन सहज थिएन, यो जिम्मेवारी नयाँ पुस्तालाई सुम्पिने समय आएको बताइएका छन् ।

सन् २०१५ मा राष्ट्रिय टोलीमा डेब्यु गरेका श्रेष्ठले नेपालले खेलेको पाँच वटै सेन्ट्रल जोन भलिबल र काभा नेसन्स लिग खेलेका छन्। सन् २०१७ मा माल्दिभ्समा भएको सेन्ट्रल जोनमा नेपाल तेस्रो हुँदा उनले वेस्ट आउटसाइड सेकेन्ड अट्याकरको अवार्ड जितेका थिए ।

त्रिभुवन आर्मी क्लबबाट घरेलु भलिबल खेल्दै आएका मानबहादुर ९ वर्षदेखि राष्ट्रिय टोलीमा खेल्दै आएका थिए । २७ वर्षीय ओपन स्पाइकरले यसअघि राष्ट्रिय बीच भलिबल टोलीको कप्तानी गर्दै सफलता पनि दिलाएको अनुभव रहेको छ । उनले यसअघि आर्मीको कप्तानी पनि गरिसकेका छन् ।

मानबहादुर १३ औं दक्षिण एसियाली खेलकुदमा नेपालको राष्ट्रिय बीच भलिबल टोलीका कप्तान थिए । उनले गत वर्ष र योवर्ष साउनमा बीच भलिबलकै कप्तानी गर्दै काभा बीच भलिबलमा नेपाललाई रजत पदक जितेका थिए ।