नेपाल प्रिमियर लिगको खेल तालिका सार्वजनिक,पहिलो दिन विराटनगर र जनकपुर भिड्ने

०८१,मंसिर ४,मंगलबार,

नेपाल प्रिमियर लिग (एनपीएल)को खेलतालिका सार्वजनिक भएको छ । कुल ३२ खेल हुने क्रिकेटमा मंसिर १५ गते पहिलो खेल हुने भएको छ ।

खेल मंसिर १५ गते शनिबार मध्याह्न १२:१५ बाट सुरु हुने छ,पहिलो खेल विराटनगर किङ्स र जनकपुर बोल्ट्सबीच हुने भएको छ ।

मंसिर १६ गते स्थानीय तहको उपनिर्वाचनका कारण कुनै खेल हुने छैन । आठ टोलीबीच राउन्ड रोबिन लिगमा प्रतिस्पर्धा गरेपछि शीर्ष चार टोली प्लेअफमा पुग्नेछ । पुस ३ गते तेस्रो र चौथो हुने टोली इलिमिनेटर तथा सोही दिन दोस्रो खेलमा लिगको पहिलो र दोस्रो हुने टोलीबीच क्वालिफायर १ मा प्रतिस्पर्धा हुनेछ । क्वालिफायर १ को विजेता टोली सोझै फाइनल पुग्ने छ । इलिमिनेटरमा विजयी हुने टोली र क्वालिफायर १ मा पराजित हुने टोलीबीच फाइनलमा प्रवेश पाउन पुस ४ गते प्रतिस्पर्धा हुनेछ । फाइनल पुस ६ गते हुनेछ ।