प्याब्सन धादिङकाे आयाेजनामा जिल्ला स्तरीय लाेकनृत्य प्रतियाेगिता २०८१ सम्पन्न (फोटो फिचर)

०८१,मंसिर १४,शुक्रबार,

निजि तथा आवासीय विद्यालय अर्गनाइजेसन नेपाल प्याब्सन जिल्ला कार्यसमिति धादिङकाे आयाेजनामा जिल्ला स्तरीय लाेकनृत्य प्रतियाेगिता सम्पन्न भएको छ ।

आज धादिङबेसी स्थित एड्भान्स एकेडेमी माध्यमिक विद्यालयको प्राङ्गणमा भएको छनौट प्रतियोगितामा प्रथम हुदै बागमती प्रदेश स्तरीय प्रतियोगिताको लागि छनौट भएको हो ।

जिल्ला स्तरीय लोक नृत्य प्रतियोगितामा प्रथम सक्सेस एकेडेमी गल्छी,द्वितीय चिल्ड्रेन पार्क आवासिय धादिङबेसी ,तृतीय एड्भान्स एकेडेमी धादिङबेसी र राईजिङ स्टार स्कुल भएका छन । प्रतियाेगितामा ४ वटा विद्यालयबाट सहभागी रहेको थियाे ।

प्याब्सन जिल्ला अध्यक्ष विनोदमान श्रेष्ठको अध्यक्षतामा भएको कार्यक्रममा प्याब्सनका पूर्व केन्द्रीय सदस्य तथा सल्लाहकार रमेशकुमार श्रेष्ठको विशेष आतित्थ्यता रहेको थियो । कार्यक्रममा प्याव्सन धादिङका पदाधिकारी लगायत विभिन्न बोडिङका प्रिन्सिपलहरुको उपस्थिती रहेको थियो ।

कार्यक्रममा प्याब्सन जिल्ला अध्यक्ष विनोदमान श्रेष्ठले प्याब्सनले विद्यार्थीहरूलाई अध्ययन अध्यापनकाे साथ साथै उनिहरूकाे क्षमताकाे पहिचान गर्न विभिन्न विधाहरूमा रहि प्रत्येक बर्ष यस्ता अतिरिक्त क्रियाकलापहरू गर्दै आएकाे बताउनुभयो । जिल्ला स्तरमा भएको प्रतियाेगिताबाट छनाेट भएको विद्यालय प्रदेशमा जाने र प्रदेश स्तरबाट छनाेट भए पछि राष्ट्रिय प्रतियाेगितामा सहभागी हुने बताउनुभयो ।केन्द्रले आयाेजना गरेको कार्यक्रममा धादिङ जिल्लाले विगतका दिनमा निरन्तर रूपमा सहभागी भएको बताउनुभयाे ।