यस वर्षका लागि साउदी अरेबियाले दियो ३०० भन्दा बढी मृत्युदण्ड

राज्य सञ्चार माध्यमको रिपोर्टमा आधारित तथ्याङ्कअनुसार साउदी अरेबियाले सन् २०२४ मा ३०० भन्दा बढी मानिसलाई मृत्युदण्ड दिएको छ ।

प्रतिदिन करिब एउटा मृत्युदण्ड दर्ता भइरहेको छ । यसले यस वर्षका लागि मुलुकको मृत्युदण्डको कूल सङ्ख्या उच्चतम वार्षिक आँकडाभन्दा धेरै नै बढी भएको छ । गृह मन्त्रालयलाई उद्धृत गर्दै आधिकारिक साउदी प्रेस एजेन्सीले लागुऔषध तस्करीमा दोषी ठहरिएका तीन जनालाई र अर्का हत्याको अपराधीलाई मृत्युदण्ड दिएको जनाएको छ ।

साउदी अरेबियाले सेप्टेम्बर महिनासम्म मृत्युदण्ड दुई सयपटक लागू गरेको थियो,मृत्युदण्डको गति तीव्र रहेको देखाउँछ। एम्नेस्टी इन्टरनेसनलका अनुसार सन् २०२३ मा साउदी अरेबियाले चीन र इरानपछि विश्वको तेस्रो सबैभन्दा धेरै कैदीहरूलाई मृत्युदण्ड दिएको थियो।