अमेरिको ८ सहरमा प्रस्तुति हुँदै,अब नाच्छ अमेरिका – २,अब हाँस्छ अमेरिका – २ र अब सुन्छ अमेरिका

अमेरिकाको विभिन्न सहरमा नेपाली कला र संस्कृति प्रवर्द्धन गर्ने उद्देश्यले ‘अब नाच्छ अमेरिका–२’, ‘अब हाँस्छ अमेरिका २’ र ‘अब सुन्छ अमेरिका’ कार्यक्रम आउँदो वर्ष सन् २०२५ को फेब्रुअरी तथा अप्रिलमा सांगीतिक तथा हास्य ब्यंग्य कार्यक्रम आयोजना हुने भएको छ ।

यस अगाडि गरिएको कार्यक्रमले हामीलाई हौसला मिलेको हो,हामी यसलाई अझै सभ्य र भव्य रुपमा गर्ने तयारीमा छौँ । अमेरिकाका विभिन्न सहरमा हामी प्रस्तुत हुनेछौँ । अब नाच्छ अमेरिका २’ अन्तर्गत गायक बद्री पंगेनी, प्रताप दास, गायिका कला लम्साल, एलिना चौहान, ‘अब सुन्छ अमेरिका’ अन्तर्गत कवि प्रदीप रोदन र साइग्रेस पोखरेलले प्रस्तुति दिनेछन् । ‘अब हाँस्छ अमेरिका २’मा मिस पवि, पवन खतिवडा, सुजिता श्रेष्ठ लगायतले प्रस्तुति दिने आयोजक फ्लाइ नेपाका अध्यक्ष विनोद अधिकारीले जानकारी दिए ।

आयोजकका अनुसार न्यूयोर्क, वासिङ्टन डिसी, ओहायो, कोलोराडो, बोस्टन, पेन्सेल्भेनिया, सिकागो र क्यालिफोर्निया लगायतका सहरमा कार्यक्रम हुनेछ ।

पत्रकार सम्मेलनमा गायिका लम्सालले यो साङ्गीतिक यात्रा रमाइलो र रमणीय हुनेमा विश्वस्त छौँ । आफू लगायत सम्पूर्ण कलाकारले प्रस्तुतिको तयारी गरिरहेको बताईन् । उनले भनिन्, ‘हामीले अन्य स्थानमा गरिरहेको प्रस्तुतिभन्दा फरक तयारी गरिरहेका छौँ । यसपटक हामीसँगै दर्शकलाई नचाउनेछौं ।