रास्वपाको रवि लामिछाने सांसद पदबाट निलम्बित,कार्यबाहक सभापतिको जिम्मेवारी डीपी अर्याललाई

राष्ट्रिय स्वतन्त्र पार्टीका सभापति रवि लामिछाने पूर्वगृहमन्त्री सांसद पदबाट निलम्बित भएका छन् ।

प्रतिनिधिसभाका महासचिव पद्मप्रसाद पाण्डेयले निकाल्नुभएको सूचनामा सम्पत्ति शुद्धीकरण निवारण ऐन, २०६४ को दफा २७ अनुसार उहाँ स्वतः निलम्बनमा परेको उल्लेख छ ।

सम्पत्ति शुद्धीकरण कसुरमा समेत अभियोगपत्र दर्ता भएपछि संसद् सचिवालयले  सूचना प्रकाशित गरेर  सांसद पद निलम्बनमा परेको जानकारी गराएको हो । चितवन क्षेत्र नम्बर २ बाट निर्वाचित प्रतिनिधिसभा सदस्यमा निर्वाचित लामिछानेविरुद्ध आइतवार कास्की जिल्ला अदालतमा सहकारी ठगी, सङ्गठित अपराध र सम्पत्ति शुद्धीकरणसम्बन्धीसमेत मुद्दाको पूरक अभियोगपत्र दर्ता भएको थियो ।

हिजो राष्ट्रिय स्वतन्त्र पार्टीले उपसभापति डीपी अर्याललाई कार्यवाहक सभापतिको जिम्मेवारी दिएको छ ।