अविरल वर्षासँगै आएको बाढी र पहिरोमा परी ज्यान गुमाउनेको संख्या २२८ जना २५ जना बेपत्ता

गृह मन्त्रालयका प्रवक्ता ऋषिराम तिवारीका अनुसार हालसम्म बाढीपहिराेमा परी २२८ जना मृत्यु र २५ जना बेपत्ता,१५८ जना घाइते भएका छन् ।

बाढीपहिरो प्रभावित क्षेत्रबाट १३ हजार ७१ जनाको उद्धार गरिएको छ, भने खोज, उद्धार र सहायता परिचालन गरिएको छ । प्रभावितलाई खाद्यान्नलगायत राहत सामग्री प्रदान गरिनाका साथै घाइतेको निःशुल्क उपचार भइरहेको छ ।

यातायात सञ्चालन गर्न अवरुद्ध राजमार्ग सञ्चालनको अथक प्रयास भइरहेको प्रवक्ता तिवारीले बताए । रासस