एक साता अघिको बाढिले धादिङका २६ वटा विद्यालयमा क्षति

अस्मिता कडुवाल,धादिङ
एक साता अघिको बाढी र पहिरोले धादिङमा गजुरी, बेनिघाटराेराङ र थाक्रे गाउँ पालिकामा २६ वटा विद्यालयमा क्षति पुगेको छ ।

धादिङको थक्रेमा ३ वटा, बेनिघाटरोराङमा १० वटा,गजुरी गाउँपालिकामा १३ वटा विद्यालयमा क्षति पुर्याएकाे हो । भने  ४ विद्यालयको पठन पाठन समेत बन्द गर्नु पर्ने अवस्था आएको छ ।

बेनिघाटरोराङ गाउँपालिकामा १० विद्यालयलाई पहिरोले क्षति पुर्‍याएको छ । बेनिघाटरोराङ वडा नम्बर ८ को सूर्योदय आधारभूत विद्यालय, वडा नम्बर ४ मा रहेको बेलडाडाँ कालिका आधारभूत विद्यालय भवन अगाडी पछाडिबाट पहरो लडेका कारण पठन पाठन बन्द भएको छ । वडा नम्बर २ को सीतामाइ आधारभूत विद्यालयको छानामा ठूलो रुख लडेर थिचेको छ भने कक्षाकोठामा बस्न नसकिने अवस्था आएको छ । वडा नम्बर ४ को जनजागृति सिद्ध आधारभूत विद्यालय दुबैतर्फबाट पहिरो लडेकोले पठन पाठन बन्द भएको ।

गजुरी गाउँपालिकाको १३ विद्यालयलाई पहिरोले क्षति पुर्‍याएको छ । नवज्योति आधारभूत विद्यालयको भवनमै क्षति पुगेकोले पठनपाठन बन्द गरिएको छ । वागेश्वरी आधारभूत विद्यालय गजुरी गाउँपालिका वडा नम्बर ३ को भवन चर्केको र अन्य विद्यालयको सबै कम्पाउण्ड वाल पहिरोले लडेको , थुम्कीडाँडा  माविका कक्षा १ मा अध्यायनरत विद्यार्थीको मृत्यु भएको छ । वडा नम्बर ७ किरा १ चोक मावि, केउरीनी आधारभूत विद्यालय, वागेश्वरी आवि गजुरी गाउँपालिका वडा नम्बर ३, बतासे आवि, पिण्डेश्वरी आवि, रिठ्ठाबोटे आवि, जुनतारा आविको कम्पाण्ड वाल भत्केको, विद्यालयमा लेदो जमेको र पहिरोले विद्यालयको केही भाग चर्केको छ ।

थाक्रे गाउपालिकनकाे लितिमहांकाल मावि, उजुवादेवी आवि र  शिलादेवी आविमा क्षति पुगे छ । लितिमहांकाल माविमा २ सय ९१ जना विद्यार्थी रहेको अवस्थामा विद्यालय आउन समेत विद्यालयको पर्खाल लडेर खोलातिर पुगेका कारण विद्यालयमा विद्यार्थी आउन नसक्ने भएकोले विद्यालय नै बन्द भएको छ ।

बाढी पहिरोपछि विद्यालयमा क्षति पुगेको र लगत्तै दशैँ आएका कारण विद्यालय नियमित रुपमा बन्द हुनै लाग्दा विपद्का कारण बिदा भएपनि दशैँ पछि धेरै विद्यालय मर्मत नगरी बस्न र पढाउन नमिल्ने अवस्थामा पुगेको छ । केही विद्यालयको कक्षाभित्र पस्नका लागि समेत डराउनु पर्ने अवस्था आएको छ ।