५० किलाे अवैध लागूऔषध सहित तीन जना पक्राउ

दाङको घोराही उपमहानगरपालिका वडा नम्बर १८ मसिनाबाट ५० किलो लागूऔषध,अफिम र चरेससहित ३ जनालाई  बुधबार प्रहरीले पक्राउ गरेको छ ।

जिल्ला प्रहरी कार्यालय दाङलाई गोप्य सूचनाका आधारमा सुविन्द्र पुन र चेतन बुढालाई पक्राउ गरेर खानतलासी गर्दा अफिम बरामद भएको जिल्ला प्रहरी कार्यालय दाङका प्रहरी प्रमुख अर्जुन तिमिल्सेनाले जानकारी दिनुभयो । पक्राउ पर्नेहरूमा ३७ वर्षीय सुविन्द्र पुन, ५१ वर्षीय चेतन बुढा र ४२ वर्षीय बिनी पुन रहेका छन् । प्रहरीले उनीहरूको साथबाट ३८ किलो ९ सय ७२ ग्राम चरेस र ११ किलो १ सय ८० ग्राम अफिमसहित विभिन्न उपकरणहरू बरामद गरेको छ ।

पक्राउ परेकाहरूलाई हिरासतमा राखेर थप अनुसन्धान भइरहेको प्रहरीले जनाएको छ ।