डडेल्धुरामा बस दुर्घटना,४ जनाको मृत्यु,१२ जना घाइते

३० असोज ०८१

महेन्द्रनगरदेखि बैतडी जादै गरेको पवनदुत यातायातको ना ८ ख १०७८ नम्बरको  बस मंगलबार बिहान डडेल्धुराको अमरगढी नगरपालिका–७ खस्रेखानमा दुर्घटना हुँदा ४ जनाको मृत्यु भएको छ,१२ जना घाइते भएका छन्।

जिल्ला प्रहरी कार्यालय डडेल्धुराका प्रहरी निरीक्षक तथा प्रवक्ता उपेन्द्रबहादुर बमका अनुसार बस गएराति साढे ११ बजेतिर बस सडकबाट करिब साढे ३०० मिटर तल खसेको दुर्घटनामा १ पुरुष, २ महिला र १ नाबालकको मृत्यु भएको बैतडीको पुर्चौडी नगरपालिका–३ का ४५ वर्षीय जयमती बोहराको सनाखत भएको छ भने अन्य ३ जनाको सनाखत हुन बाँकी छ।

दुर्घटनामा घाइते हुनेमा पुचौर्डी नगरपालिका–७ का २४ वर्षीय नवराज साउँद, वडा नं. ६ का २४ वर्षीय राजेन्द्र साउँद, वडा नं. ८ का ४२ वर्षीय पदम बोहरा, २४ वर्षीय बस चालक बिरेन्द्र बोहरा, वडा नं. ७ का २८ वर्षीय नवराज रतौकी, २० वर्षीय सुरेन्द्र रतौकी रहेका छन् पुर्चौडी नगरपालिकाकै वडा नं. १० का दामोदर महरा, धनबहादुर महरा, कृष्णपुर नगरपालिका–४ का २५ वर्षीय दिनेश साउँद, वडा नं. ५ की ६५ वर्षीय धनमती साउँद, डडेल्धुरा आलिताल गाउँपालिका–१ का २१ वर्षीय मुकुन्द बोहरा घाइते भएका छन्। घाइतेहरुको डडेल्धुरा जिल्ला अस्पतालमा उपचार भइरहेको छ।