धादिङमा भोलि देखी जिल्ला स्तरीय ‘B’ लेभल ब्याडमिन्टन प्रतियोगिता हुने

०८१,कात्तिक,१३, मंगलबार,

भिषण श्रेष्ठ,धादिङ,

धादिङ जिल्ला ब्याडमिन्टन सङ्घको आयोजनामा खुल्ला जिल्ला स्तरीय ‘B’ लेभल पुरुष डबल ब्याडमिन्टन प्रतियोगिता आयोजना हुने भएको छ । 

शुभ दिपावली,नेपाल सम्बत तथा छट पर्वको उपलक्ष्यमा यही कार्तिक १४ र १५ गते जिल्ला स्तरीय ‘B’ लेभल ब्याडमिन्टन प्रतियोगिताहुने भएको हो । मेन्स डबल्स प्रतियोगितामा २२ समूहको सहभागिता रहने  ‘B’ लेभल प्रतियोगितामा मेडल र प्रमाणपत्र सहित प्रथमलाई रु. १० हजार, द्धितियलाई रु. ८ हजार र तृतिय हुनेले क्रमश ४ हजार/४ हजार नगद पुरस्कार रहेको छ ।

प्रतियोगिताका खेलहरु धादिङबेशीमा रहेको कभर्डहलमा हुने आयोजकले जनाएको छ ।