धादिङमा पालिका स्तरीय पुरुष तथा महिला भलिबल प्रतियोगिता भोलि बाट सुरु,खेल तालिका सार्वजनिक

०८१,मंसिर५,बुधबार,

धादिङ जिल्ला भलिबल टिमका पूर्व कप्तान स्व.मनोज श्रेष्ठको स्मृतिमा जिल्ला भलिबल संघ धादिङको आयोजनामा आगामी मंसिर ६ गतेदेखी ८ गतेसम्म सदरमुकाम धादिङबेशीमा जिल्लाको अन्तर पालिका स्तरीय महिला/पुरुष भलिबल प्रतियोगिताको खेल तालिका सार्वजनिक भएको छ ।

जिल्ला भलिबल संघ धादिङले धादिङ जिल्ला भलिबल टिमका पूर्व कप्तान स्व.मनोज श्रेष्ठको स्मृतिमा आयोजना गरेको महिला/पुरुष भलिबल प्रतियोगिताको खेल तालिका मंगलबार पत्रकार सम्मेलनको आयोजना गरी सार्वजनिक गरिएको हो।

प्रतियोगिता लिक कम नक आउटका आधारमा सञ्चालन हुने,प्रतियोगिताको उद्घाटन भोलि बिहिबार दिउँसो २ बजे हुने भएता पनि खेल भने विहान ८ बजेबाट नै सुरु गरिने प्रतियोगितामा सहभागी हुने सम्पूर्ण खेलाडीको बिमा गरिने भलिबल संघका अध्यक्ष गुरुङले बताउनुभयो ।

जिल्ला खेलकुद विकास समितिका अध्यक्ष प्रतासिंह तामाङको प्रमुख आतिथ्यतामा आज जिल्ला भलिबल संघ धादिङले खेल तालिका सार्वजनिक गरेको हो । प्रतियोगितामा पुरुषतर्फ ११ र महिलातर्फ ८ समूहले भाग लिने आयोजकले जनाएको छ ।

जसअनुसार पुरुषमा रुवीभ्याली गाउँपालिका, खनियावास गाउँपालिका, लिङ्जो युवा क्लब, सिङ्गङ एकता समाज, नेत्रावति डबजोङ गाउँपालिका, गंगाजमुना गाउँपालिका, त्रिपुरासुन्दरी गाउँपालिका, ज्वालामुखी गाउँपालिका, निलकण्ठ नगरपालिका, सिद्धलेक गाउँपालिका र गल्छी गाउँपालिका रहेको छ ।

त्यस्तै महिला तर्फ ग्ांगाजमुना गाउँपालिका, त्रिपुरासुन्दरी गाउँपालिका, ज्वालामुखी गाउँपालिका, निलकण्ठ नगरपालिका, सिद्धलेक गाउँपालिका, गल्छी गाउँपालिका, बेनीघाट रोराङ गाउँपालिका र केबलपुर हरिहर भोजकुमारि मा.वि. थाक्रे रहेको छ।

उहाँका अनुसार उद्घाटन समारोहमा सिद्धलेक गाउँपालिका अध्यक्ष परशुराम खतिवडा र समापन समारोहमा नीलकण्ठ नगरपालिकाका प्रमुख भिम प्रसाद ढुङ्गानाको प्रमुख आतिथ्यता रहने छ।

धादिङको गंगाजमुना गाउँपालिका–४,गुम्दी घर भएका धादिङ भलिबल टिमका कप्तान श्रेष्ठको ०८० कात्तिक ९ गते सिद्धलेकको खिर्रेभञ्याङमा आयोजित भलिबल प्रतियोगिताकै समयमा निधन भएको थियो।

टिपटप हेल्प नेपालबाट प्रधानमन्त्री कप एनभीए समेत खेलेका श्रेष्ठको कप्तानीमा धादिङले बागमती प्रदेश स्तरिय प्रतियोगिता समेत जितेको थियो । उनैको सम्झनामा स्मृति कप आयोजना गरिएको भलिबल संघका अध्यक्ष गुरुङले बताउनुभयो ।

पुरुष भलिबल खेलमा प्रथम हुनेले नगद १ लाख १ हजार १११ सहित ट्रफि,मेडल र प्रमाणपत्र, दोस्रो पुरस्कार नगद ५५ हजार ५५५ र सेमिफाइनलमा पुग्ने टिमहरुलाई रु.२०/२० हजार प्रदान गरिने धादिङ जिल्ला भलिबल संघका अध्यक्ष अमृत गुरुङ (तिलक)ले जानकारी दिनुभयो । महिला भलिबल तर्फ प्रथम हुनेले नगद ५५ हजार ५५५ सहित ट्रफि,मेडल र प्रमाणपत्र, द्वितीय हुनेले ३० हजार ३३० र सेमिफाइनल पुग्ने टिमहरुलाई रु.१५/१५ हजार पाउने,यसैगरी विधागततर्फ उत्कृष्ट खेलाडी, उत्कृष्ट स्पाइकर, उत्कृष्ट ब्लकर, उत्कृष्ट सेटर, उत्कृष्ट सर्भर, उत्कृष्ट लिब्रो र उत्कृष्ट कोचले ट्रफी, मेडल र प्रमाणपत्र प्राप्त गर्नेछन् ।