भोली देखि १५ गते सम्म काठमाडौंमा छैटौं एशियाली जनसंख्या सम्मेलन हुँदै

०८१,मंसिर ११,मंगलबार,

भोली देखि १५ गते सम्म काठमाडौंमा छैटौं एशियाली जनसंख्या सम्मेलन हुने भएको छ ।

चारदिन सम्म होटल सोल्टीमा सञ्चालन हुने यो सम्मेलन प्रधानमन्त्री केपी शर्मा ओलीले उद्घाटन गर्नेछ । नेपालको जनसंख्या नीति निर्माणमा महत्वपूर्ण योगदान गर्ने सम्मेलनमा एशिया,अमेरिका,अष्ट्रेलिया लगायतका देशका जनसंख्याविद्धहरुको सहभागिता रहने छ । एशियाली जनसंख्या संघ (एपिए) मूल आयोजक र जनसंख्या अध्ययन केन्द्रीय विभाग (सिडिपिएस) स्थानीय आयोजक रहेको यो सम्मेलनमा विभिन्न मुलुक करिब ६०० जनसंख्याविद्हरूको सहभागिता रहने छ ।

आयोजक समितिका संयोजक एवं सिडिपिएसका प्रमुख प्राध्यापक योगेन्द्र बहादुर गुरुङका अनुसार सम्मेलनमा १७ वटा विषयका कार्यपत्रहरु प्रस्तुत गरिनेछन् । आयोजकका अनुसार मंसिर १५ गते नेपाल शेसन पनि हुनेछ । उक्त शेसनमा श्रम तथा रोजगार मन्त्री शरदसिंह भण्डारीले नेपालमा रोजगारीको अवस्था र वैदेशिक रोजागरीमा युवाहरुको आकर्षण किन भन्ने विषयमा पनि एक कार्यपत्र प्रस्तुत गर्नेछन् ।

२०७१ सालमा तयार गरिएको जनसंख्या नीतिमा संसोधन गरेर बदलिएको जनसंख्यिक अवस्था अनुसार नीति पनि बदल्नु पर्ने बेलामा आयोजना गरिएको यो अन्तराष्ट्रिय सम्मेलनले विकसित देशका धेरै अनुभव जानकारी पाइने बताए । एशियाका विकसित देशहरुले यी सबै समस्या भोगेर त्यसबाट पार पनि पाइसकेका छन् ,प्राध्यापक गुरुङले भने,उनीहरुले यस्ता समस्याबाट कसरी पार पाए भन्ने कुरा हामीले जानकारी पाउनु नै ठूलो उपलब्धी हो । उनीहरुको अनुभवबाट हामीले हाम्रो जनसंख्या नीति र समग्र सरकारका नीतिहरु संसोधन गर्ने नयाँ नयाँ आइडियाहरु पाउनेछौं ।