तीन दिनअघि नै ‘सोल्डआउट’ एनपिएल उद्घाटन खेलका लागि खुला गरिएको १० हजार टिकट

२०८१,मंसिर १३,बिहीबार,

पहिलो संस्करणको नेपाल प्रिमियर लिग (एनपीएल) को शनिबार बाट सुरू हुँदैछ ।

मंसिर र १५ देखि पुस ६ गतेसम्म कीर्तिपुर स्थित त्रिवी मैदानमा हुने प्रतियोगितामा ८ फ्रेन्चाइज टिमबीच प्रतिस्पर्धा हुनेछ ।

शनिबार कीर्तिपुरस्थित त्रिवि मैदानका हुने उद्घाटन खेलका लागि क्यानले खुला गरेको १० हजार टिकट तीन दिनअघि बिक्री भएको छ । क्यानले अरू दिनका लागि टिकट बिक्री सुरु गरिसकेको छ । पहिलो दिन साधारणतर्फ ३ सय र भिआइपीतर्फ ७ सय रूपैयाँ टिकट दर तोकिएको थियो। पहिलो दिनमा नै टिकट बिक्रीबाट क्यानले ३३ लाख रूपैयाँ बढी कमाइसकेको छ ।

नेपाल क्रिकेट संघ (क्यान) ले पहिलो पटक आफैँ आयोजना गर्न लागेको टी-२० फ्रेञ्चाइज लिगको चर्चा चुलिएको छ । विराटनगर किंग्स र जनकपुर बोल्टबीच हुने उद्घाटन खेलका लागि भाइआइपीतर्फ ८ सय टिकट बिक्री भएको क्यानका प्रवक्ता छुम्बी लामाले बताए । खल्ती एपबाट टिकट बिक्री खुला गरिएकोमा साधारण टिकट पनि सबै बिक्री भएको उनको भनाइ छ । अरू दिनको पनि टिकट किन्नेको चाँप बढेको प्रवक्ता लामाले बताए ।

लिग खेलको ३ सय र ५ सय टिकट मूल्य तोकिएको छ। लिग खेलमा एउटा टिकटले दिनको दुबै खेल हेर्न सकिनेछ । प्लेअफको ५ सय र ७ सय रुपैयाँ टिकट मूल्य तोकिएको छ । फाइनल खेलको ५ सय र एक हजार रुपैयाँ टिकट मूल्य छ । सिजनल पासको लागि साधारणतर्फ ४४ सय ८० रुपैयाँ र भिआइपीतर्फ ८२ सय ४० रुपैयाँ मूल्य तिर्नुपर्नेछ।