विश्व फुटबलको सबैभन्दा ठूलो महाकुम्भ फिफा विश्वकप २०२६ मेक्सिकोले घरेलु मैदानमा दक्षिण अफ्रिकासँग उद्घाटन खेल खेल्दै प्रतियोगिताको सुरुवात आजबाट सुरु हुँदैछ । 

२३औँ संस्करणको उद्घाटन खेल नेपाली समयअनुसार मध्यराति १२ ; ४५ बजे हुनेछ,फुटबलको इतिहासमै पहिलोपटक तीन देश अमेरिका, मेक्सिको र क्यानडा आयोजक रहेको फिफा विश्वकप २०२६ मा पहिलो पटक ४८ राष्ट्रको सहभागिता, १०४ खेल, १६ सहरका मैदान र तीन देशमा हुने भव्य उद्घाटन समारोहसँगै यो संस्करण अहिलेसम्मकै सबैभन्दा ठुलो र भव्य विश्वकप बन्दै छ । यस संस्करणमा ४८ राष्ट्रबाट १,२४८ खेलाडी सहभागी छन् । साथै, ७१ देशका ४४९ क्लबबाट व्यावसायिक फुटबल खेल्ने खेलाडीले विश्वकपमा प्रतिनिधित्व गर्दै छन्  ।

विश्वकपमा ब्राजिल लगातार २३औँपटक सहभागी हुँदै छ । पाँचपटकको विश्व च्याम्पियन ब्राजिलसँगै साबिक विजेता अर्जेन्टिना, फ्रान्स, पोर्चुगल, स्पेन र नेदरल्यान्ड्सलाई उपाधि दाबेदारका रूपमा हेरिएको छ । तर, यस विश्वकपमा चारपटकको च्याम्पियन इटालीसँगै पोल्यान्ड, डेनमार्क, अफ्रिकी महारथी नाइजेरिया र क्यामरुनजस्ता चर्चित राष्ट्र भने छनोट हुन सकेका छैनन्  ।

विश्वकपको पहिलो उद्घाटन समारोह मेक्सिको सिटी स्टेडियममा हुनेछ, जहाँ मेक्सिकन संस्कृति, परम्परा र कलाको विशेष प्रस्तुति रहने फिफाले जनाएको छ  ।