धादिङको नीलकण्ठ–३ मा स्थापना भएको टेक यात्रा प्रालि (Tech Yatra Pvt. Ltd.) ले आधुनिक प्रविधिमूलक सीप विकासका लागि विभिन्न व्यावहारिक तालिम आजबाट औपचारिक रूपमा शुभारम्भ गरिएको छ ।
संस्थाले “Journey with Technology” भन्ने नारासहित विद्यार्थी तथा युवालाई भविष्यमुखी प्रविधि शिक्षा प्रदान गर्ने लक्ष्य लिएको जनाएको छ ।नेपालमा बिस्तारै बढ्दै गएको एआई,रोबोटिक्स र प्रविधिको प्रयोग अपरिहार्य बन्दै गएकोछ, व्यवसायमा उपयोगी विभिन्न एआई उपकरणको प्रयोग,डिजिटल सामग्री निर्माण, डेटा व्यवस्थापन,व्यावहारिक ज्ञान सिक्ने र एक अर्कासँग अनुभव साट्ने अवसर पाउनेछन् । संस्थाले विद्यालयहरूसँग सहकार्य गर्दै STEM शिक्षाको विस्तार गर्ने योजना पनि अघि सारेको छ । यसअन्तर्गत पाठ्यक्रम समन्वय, शिक्षक तालिम, आवश्यक शैक्षिक सामग्री उपलब्ध गराउने तथा विद्यार्थीको प्रविधिमूलक सीप विकासमा सहयोग गरिने जनाएको छ ।
संस्थाले Artificial Intelligence (AI), Robotics, Internet of Things (IoT), Arduino Programming, ESP32 Development, Python Programming, Electronics तथा Website Development लगायतका विषयमा प्रयोगात्मक (Hands-on) तालिम सञ्चालन गर्ने जानकारी दिएको छ । टेक यात्राका अनुसार तालिमहरू केवल सैद्धान्तिक नभई वास्तविक परियोजनामा आधारित (Project-Based Learning) हुनेछन्। अनुभवी प्रशिक्षकमार्फत प्रशिक्षण, प्रमाणपत्र, नवप्रवर्तन प्रयोगशाला (Innovation Lab) तथा रोबोटिक्स प्रतियोगितामा सहभागी हुने अवसरसमेत उपलब्ध गराइनेछ ।
विभिन्न तालिमका लागि भर्ना खुला गरिएको संस्थाले जनाएको छ । सीमित सिट रहेकाले इच्छुक विद्यार्थी तथा अभिभावकलाई समयमै सम्पर्क गरी नाम दर्ता गर्न आग्रह गरिएको छ । टेक यात्रा प्रालि को कार्यालय नीलकण्ठ नगरपालिका–३, धादिङ मा रहेको छ ।
गुरास मिडिया हाउसद्वारा प्रकाशित सम्पूर्ण सामग्रीहरु ओखर न्यूज डट कमका सम्पत्ति हुन्।
पुन:प्रकाशन अघि अनुमति लिनुहोला।
सूचना
प्रेस काउन्सिल नेपाल द.नं. ४७२१-२०८१/०८२
सञ्चार रजिष्ट्रार द.नं. ००२७०/२०८१/०८२
अध्यक्ष – सन्तोष श्रेष्ठ
सम्पादक – अस्मिता कडवाल
