निर्वाचन आयोगले फागुन २१ गते सम्पन्न प्रतिनिधिसभा सदस्य निर्वाचनलाई नेपालको इतिहासकै सबैभन्दा शान्तिपूर्ण र विवादरहित चुनावका रूपमा मूल्याङ्कन गरेको छ ।

आज काठमाडौंमा आयोजना गरेको निर्वाचन आयोगमा बोल्दै कार्यवाहक प्रमुख निर्वाचन आयुक्त रामप्रसाद भण्डारीले देशभरका कुनै पनि मतदान केन्द्रमा झै–झगडा वा विवादका कारण पुनः मतदान गर्नुपर्ने अवस्था नआएको  निर्वाचन प्रक्रियालाई पारदर्शी, निष्पक्ष र विश्वसनीय बनाउन सबै पक्षले सहकार्य गरेका कारण कुनै पनि स्थानमा गम्भीर विवाद उत्पन्न भएन । यसले नेपालमा लोकतान्त्रिक अभ्यास थप सुदृढ हुँदै गएको सन्देश दिएको उहाँको भनाइ थियो । 

भण्डारीले अन्तर्राष्ट्रिय समुदायबाट समेत निर्वाचनको सकारात्मक मूल्याङ्कन प्राप्त भएको जानकारी दिनुभयो । विभिन्न अन्तर्राष्ट्रिय पर्यवेक्षण संस्थाहरूले प्रतिवेदनमार्फत निर्वाचन प्रक्रियाको प्रशंसा गर्दै चुनाव अवधिभर राजनीतिक दल, उम्मेदवार र मतदाताले देखाएको संयमको प्रशंसा गर्नुभयो । निर्वाचनलाई स्वच्छ, निष्पक्ष र भयरहित वातावरणमा सम्पन्न गराउन सहयोग पुर्‍याउने सम्पूर्ण सरोकारवाला पक्षप्रति आभार व्यक्त गर्नुभयो । उहाँले सुरक्षा निकाय, कर्मचारी, सञ्चारकर्मी, पर्यवेक्षक तथा आम मतदाताको सक्रिय सहभागिता बिना यस्तो उपलब्धि सम्भव नहुने उल्लेख गर्नुभयो ।

आयोगले आगामी दिनमा पनि यस्तै प्रकारको शान्तिपूर्ण र विश्वसनीय निर्वाचन परम्परा कायम राख्न सबै पक्षसँग सहकार्य गर्दै अघि बढ्ने प्रतिबद्धता व्यक्त गरेको छ ।