उपत्यका अपराध अनुसन्धान कार्यालयका डीएसपी अनिल घिमिरे नेतृत्वको टोलीले ट्रक चेकजाँच गर्दा काठमाण्डाैको टोखा नगरपालिकामा रहेको झोर क्षेत्रबाट २५ करोड १९ लाख बराबरको युरो र अमेरिकी डलरसहित एक जना पक्राउ परेका छन् ।

ड्राइभर सिट ‘वोनेट’ भन्दा माथि फल्स बटम बनाएर लुकाएको अवस्थामा ना ७ ख १६५२ नम्बरको ट्रकमा विदेशी मुद्रा लुकाएर लाँदै गरेको अवस्थामा प्रहरीले सिन्धुपाल्चोककाे भाेटेकाेशी गाउँपालिका–१ का ४३ वर्षीय कुसाङ लामालाई पक्राउ गरेको र पक्राउ परेको विदेशी मुद्रा नेपालीमा कन्भर्ट गर्दा २५ करोड १ लाख ६० हजार ३३८ रुपैयाँ हुन आउने प्रहरीले जनाएको छ । 

पक्राउ परेका लामालाई प्रहरीले राजश्व अनुसन्धान विभाग हरिहर भवनमा बुझाइसकेको छ । अब विभागले उनीमाथि अनुसन्धान गरेर मुद्दा चलाउने छ ।उनीमाथि राजस्व छली तथा विदेशी मुद्राको कारोबार गरेको हुँदा विदेशी विनिमय (नियमित गर्ने) ऐन, २०१९ अन्तर्गत मुद्दा चल्ने बताइएको छ ।