धादिङबेसी स्थित आयुर्वेद तथा बैकल्पिक चिकित्सालयको कार्यालयमा शुक्रबार एक औपचारिक कार्यक्रमको आयोजना गरि अध्यक्ष बद्री प्रसाद कोईरालाले पदभार ग्रहण गर्नु भएको छ । 

बागमती प्रदेश सरकारले मिति २०८१ साल फागुन ११ गतेको मन्त्रिस्तरको निर्णय द्धारा नीलकण्ठ नगरपालिका वडा न ८ ससाह निवासी कोईरालालाई आयुर्वेद अस्पतालको अध्यक्षमा मनोनित गरेको थियो ।

पदभार ग्रहण गर्दै कोईरालाले आयुर्वेद तथा बैकल्पिक चिकित्सालय धादिङले १६ शैयाको अस्पताल सचालन गर्नको लागी जग्गा प्राप्त गरिसकेको अवस्थामा आफ्नो पालामा कम्तीमा डीपीआर गर्ने र भवन निमार्णकार्य थालनि गर्ने प्रतिबद्धता व्यक्त्त गर्नुभयो । आयुर्वेद सेवामा आफ्नो कुनै विज्ञाता नरहेकोले सबैको सल्लाह र परामर्श लिएर काम गर्ने बताउनुभयो । आयुर्वेद अस्पतालको सेवाग्राही पनि भएकोले सेवा प्रवाहमा थप चुस्तदुरुस्त बनाउन लागीपर्ने बताउनु भयो । 

पदभार ग्रहण कार्यक्रमा धादिङ अस्पतालका निमित्त निर्देशक गगन अधिकारी, जनस्वास्थ्य कार्यालय धादिङका निमित्त कार्यालय प्रमुख बिभु झा, आयुर्वेद तथा बैकल्पिक चिकित्सालय धादिङको कार्यालय प्रमुख अमुल्य दाहाल लगाएतको उपस्थिति रहेको थियो ।