धादिङको सदरमुकाममा रहेको निलकण्ठ बहुमुखि क्याम्पसमा स्ववियु निर्वाचन समिति खारेजीको माग गर्दै आज अनेरास्ववियु र अखिल क्रान्तिकारीले नीलकण्ठ बहुमुखी क्याम्पसमा तालाबन्दी गरेका छन् । 

यहि चैत १९ गते स्ववियु निर्वाचन गराउने भन्दै पुरानै निर्वाचन संयोजकलाई पुनः संयोजकको जिम्मेवारी दिइएको थियो ।आईतबार उनीहरूले निर्वाचन प्रक्रिया निष्पक्ष बनाउन समिति पुनर्गठन गर्नुपर्ने र अनेरास्ववियु र क्रान्तिकारीले निर्वाचन समितिको निष्पक्षता र पारदर्शीतामाथि प्रश्न उठाउँदै स्ववियु निर्वाचन समिति खारेजीको माग गर्दै दुई संगठनले क्याम्पस प्रमुख, व्यवस्थापन समिति अध्यक्ष र निर्वाचन कार्यालयमा तालाबन्दी गरिएको हो । यसअघि चैत ५ गते तोकिएको स्ववियु निर्वाचन हुन सकेको थिएन । साथै निर्वाचन संयोजकले पदबाट राजीनामा दिएपछि निर्वाचन अन्योलमा परेको छ । अनेरास्ववियु र अखिल क्रान्तिकारीले नेविसंघको आन्तरिक विवादका कारण निर्वाचन संयोजकलाई राजीनामा दिन बाध्य पारिएको आरोप लगाएका छन्  ।