धादिङमा लागु औषध नियन्त्रण सम्बन्धी तीन महिने महिने सचेतनामुलक अभियान बुधबार सिद्धलेक गाउँपालिका बाट सुरु भएको छ ।

जिल्ला प्रशासन कार्यालय धादिङ र जिल्ला प्रहरी कार्यालय धादिङको संयुक्त आयोजनामा सिद्धलेक गाउँपालिका वडा नं. ०४ स्थित गाउँपालिकाको सभा हलमा यस अभियानको नेतृत्व जिल्ला प्रशासन कार्यालय धादिङले गरेको र यसमा स्थानीय प्रशासन, प्रहरी कार्यालय र धादिङ जिल्लाका १३ वटै स्थानीय तहहरूको सक्रिय सहभागिता सुनिश्चित गरिएको छ । लागु औषधका कारण समाजको ठूलो हिस्सा दलदलमा फसेको र त्यसले सामाजिक संरचनात्मक विकासलाई नै नकारात्मक दिशातर्फ धकेलेकोले  लागुऔषध नियन्त्रण एक निकायबाट मात्रै सम्भव नहुने भएकाले समाजका सबै सरोकारवालको प्रभावकारी समन्वयबाट मात्र नियन्त्रण गर्न सम्भव विषय भएकाले हामीले अभियान सुरु गरेका हौँ । उत्पादन, वितरण, प्रयोग गर्नमा प्रतिबन्ध लगाउने र यसको प्रयोग, उत्पादन र वितरण गर्नेलाई कारबाही गरिने भएकोले लागु औषधबाट सुरक्षित रहन आग्रह गर्नुभयो । लागु औषध नियन्त्रणका लागि स्थानीय सरकारले शिक्षा, सचेतना, अभिमूखिकरण लगायतका कार्यक्रम योना बनाएर लागु गर्नुपर्ने
लागु औषध नियन्त्रणका लागि अब पंडितहरुले सप्ताह, एकाहा लगाउँदा, चर्चमा पाष्टरहरुले सचेतना गरेर वा अन्य धर्मावलम्बीहरुले पनि सचेतना गराएर अभियानकै रुपमा अघिबढ्नु पर्नेप्रमुख जिल्ला अधिकारी सुमन घिमिरेले अभियानलाई सहयोग गर्न सबैलाई आग्रह गर्नुभयो ।

जिल्ला प्रहरी कार्यालय धादिङका कार्यालय प्रमुख प्र.उ. दिपेन्द्र शाहीले सवारी दुर्घटना न्यूनिकरण सम्बन्धी विषय प्रस्तुती गर्दै यस आर्थिक वर्षको बैशाख ३० गतेसम्म १ सय ७० ओटा सवारी दुर्घटना भएको धादिङ जिल्लामा २४ जनाले ज्यान गुमाएको र ४ सय १७ जना घाइते भएको उल्लेख गर्नुभयो । प्रहरी उपरिक्षक शाहीले २६ हजार ५ सय ओटा सवारी साधन धादिङ जिल्लामा हरेक दिन गुड्ने र एक जना ट्राफिक प्रहरीले ४ सय ३४ सवारी साधन हेर्नुपर्ने जानकारी दिँदै शाहीले सवारी दुर्घटना चलकको कारणले, सवारी साधनको कारणले, पैदलयात्रीको कारणले, सडकको कारणले र मौसमको कारणले हुने गरेको बताउनुभयो । स्थानीय जनतासंग सरोकार राख्ने स्थानीय सरकारले सवारी दुर्घटना न्यूकरणका लागि योजना निर्माण, कायृक्रम तय र बजेट समेत व्यवस्था गर्नुपर्ने बताउनुभयो । लागु औषध दुव्र्यसनी ओसारपसारको समग्र अवस्था, कानूनी व्यवस्था र यसले समाजमा पार्ने नकारात्मक प्रभावबारे कार्यपत्र प्रस्तुत गरे। धादिङ जिल्लामा लागु औषधको समस्या नियन्त्रणका लागि प्रहरीको सक्रियता र समुदायको सहयोग अपरिहार्य रहेको बताए ।

जिल्ला प्रशासन कार्यालयको आयोजनामा सिद्धलेक गाउँपालिका अध्यक्ष परशुराम खतिवडाको प्रमुख आतिथ्यतामा प्रमुख जिल्ला अधिरकारी, जिल्ला प्रहरी कार्यालयका प्रमुख प्रहरी उपक्षिक दिपेन्द्र शाही,लगायत जनप्रतिनिधि, विद्यालयका प्रधानाध्यापक लगायतका शिक्षक, गाउँपालिका कर्मचारी लयागतको सहभागिता रहेको कार्यक्रममा सिद्धलेक गाउँपालिका प्रमुख प्रशासकीय अधिकृत रामप्रसाद शर्माले स्थानीय सरकार बजेट निर्माणको तयारीमा रहेकोले सवारी दुर्घटना न्यूनिकरण, लागु औषध रोकथामका कायृक्रम ल्याउने प्रतिवद्धता व्यक्त गर्नुभयो । छलफल कार्यक्रममा वडा अध्यक्ष सानु गिरी, शम्भु गुरुङ, शिक्षक लालबहादुर विश्वकर्मा लगायतले सबै पक्षको सहयोग गर्न सके नागरिकलाई बचाउन सकिने बताउनुभयो ।