पोखरामा जारी श्री गण्डकी शतकुण्डीय गायत्री कोटिहोम विराट ज्ञान महायज्ञ यतिवेला सहभागी भक्तजनलाई मानव सेवामा जोड्ने थलो बनेको छ ।
 

देशमा विभिन्न जिल्लाबाट आएका व्यक्तिहरू अभिभावकीय जिम्मा, आजीवन सदस्य र शिलालेखमा आफ्नो नाम टिपाउनका लागि उत्साहित भएका छन् । मानव सेवामा आफूलाई समर्पित गर्न पनि यो सङ्ख्या दिनहुँ बढ्दै गएको छ । मानव सेवा फाउण्डेसनको आश्रयमा रहेका वाल वालिका र ज्येष्ठ नागरिकको अभिभावक बन्न १ लाख भन्दा बढी, आजीवन सदस्य बन्न २५ हजार  र शिलालेखमा नाम लेख्न १५ हजार रुपैयाँ रहेको छ । कोटिहोममा फिमला आमा समूह पोखरा–३ नदीपुरबाट ७७ हजार १ सय ३५, नारायण फर्निचर उद्योग पोखरा–१७ का विश्वेश्वर प्रसाद अर्याल र कणकुमारी अर्यालले ४१ हजार १ सय ५५, डा. नन्द श्रेष्ठबाट नगद २५ हजार र ७५ हजार बराबरको औषधी, पोखरा–१७ का क्या.खड्कबहादुर शाहीले ३३ हजार १ सय २०, राधाकृष्ण मन्दिर सञ्चालक समिति पोखरा– १० बाट २५ हजार ५ सय ५५, स्याङ्जाका सत्यदेव ढकालबाट १६ हजार १ सय ११ सहयोग प्राप्त भएको छ ।

कोटिहोममा ‘सनातन संस्कृति, गण्डकी कोटिहोम र हामी विद्यार्थी’ भन्ने शीर्षकमा जेठको ११ गते राष्ट्रव्यापी खुल्ला वक्तृत्वकला प्रतियोगिता हुन लागेको प्रतियोगिता संयोजक खनालले जानकारी दिए । उनका अनुसार नामावली दर्ता जेठ १० गते सम्म रहेको छ । विद्यालयका विद्यार्थीहरूले पनि कोटिहोमको दर्शन गरेका छन् यसैबीच  छोरेपाटन मावि बाट ४ सय भन्दा बढी विद्यार्थी कोटिहोम दर्शन गर्न आएको महायज्ञका निर्देशक शङ्कर खरालले जानकारी दिए । कोटिहोममा आज वरिष्ठ लोक गायिका हरिदेवी कोइराल र  लोक गायिका तथा फाउन्डेसनकी केन्द्रीय उपाध्यक्ष राधिका हमालले भजन प्रस्तुत गरेका थिए। कोटिहोममा ६ गते हास्य कलाकार मेरी वास्यैकी पल्पसा डंगोल ‘चम्सुरी’ र २४ गते महानायक राजेश हमालको सहभागिता रहने प्रचार प्रसार संयोजक लेखराज ढकालले जानकारी दिए ।

पोखरा १७ स्थित सदाशिवजी सिद्देश्वर हरिहर मन्दिरको जग्गा र आसपासका स्थानीयको जग्गामा कोटिहोम जेठ २६ गतेसम्म सञ्चालन हुने महायज्ञ मूल आयोजक समितिका सह निर्देशक युवक लामिछानेले जानकारी दिए ।