नीलकण्ठ नगरपालिका वडा नम्बर ८ ससाहमा बालिकालाई ठक्कर दिएर फरार भएका मोटरसाईकल चालकलाई प्रहरीले नियन्त्रणमा लिएको छ ।

घरबाट स्कुल जाँदै गरेकी ससाह ज्यामिरेकी सात वर्षिय दिपिका वि.क. मोटरसाईकलले ठक्कर दिई सडकमा लडिरहेको अवस्थामा फेला परेकी हुन् । घाइते बालिकालाई धादिङ अस्पतालमा प्राथमिक उपचारपछि थप उपचारको लागि हेलिकप्टर मार्फत काठमाडौंस्थित टिचिङ अस्पताल लगिएको छ । सिद्धलेक गाउँपालिका वडा नम्बर २ नलाङका खेमलाल श्रेष्ठलाई नियन्त्रणमा लिएको जनाएको छ ।  

काठमाण्डौंको बालाजुबाट बा ७७ प ३३९१ नम्बरको मोटरसाईकल सहित पक्राउ गरिएको जिल्ला प्रहरी कार्यालय धादिङका सूचना अधिकारी एवंम प्रहरी नायव उपरिक्षक सुवास हमालले जानकारी दिनुभयो ।