आईसीसी महिला टी–२० क्रिकेट विश्वकपको एशिया छनोटको ‘सुपर थ्री’ अन्तर्गतको अन्तिम खेलमा नेपालले आज घरेलु टोली थाइल्यान्डसँग प्रतिस्पर्धा गर्दैछ ।

आजको खेल जित्ने टोली एसिया क्षेत्र छनोटको शीर्ष स्थानमा रहँदै ग्लोबल क्वालीफायर्समा पुग्ने छ । टी-२० आईमा नेपालले हाल सम्म थाइल्यान्डलाई हराउन सकेको छैन । दुई टोली बीच खेलिएका सबै ६ खेल थाइल्यान्डले जितेको छ ।सुपर थ्रीमा नेपाल र थाइल्यान्डले युएईलाई पराजित गर्दै ग्लोबल छनोटमा स्थान बनाएका थिए,  नेपाल र थाइल्यान्डबीचको खेल नेपाली समय अनुसार बिहान पौने ९ बजे टेर्डथाई क्रिकेट मैदान बैंककमा सुरु हुनेछ । दुबै टोली आजको खेल जित्दै एसिया छनोटको विजेताका रूपमा अघि बड्ने लक्ष्यमा हुने छन ।सुपर थ्रीको पहिलो खेलमा थाइल्यान्डलले युएईलाई ५४ रनले पराजित गरेको थियो भने नेपालले युएईलाई ५ विकेटले हराएको थियो । हिजोको खेलमा बलिङमा कविता कुवर र ब्याटिङमा कप्तान इन्दू बर्माले सानदार प्रदर्शन गरेपछि नेपाल विजयी भएको हो । कविताले आफ्नो टी-२० आई करियरकै उत्कृष्ट प्रदर्शन गर्ने क्रममा २० रन खर्च गरेर ४ विकेट लिएकी थिइन् । ब्याटिङमा इन्दूले अविजित ३० तथा रूविना क्षेत्रीले २३ रन बनाएपछि १ सय १५ रनको लक्ष्य नेपालले सहजै पुरा गरेको थियो ।

विश्वकप छनोटमा १० टोलीले प्रतिस्पर्धा गर्नेछन् । शीर्ष चार टोलीले इङ्ग्ल्यान्डमा सन् २०२६ मा हुने टी–२० विश्वकपमा पुग्नेछन् । filephoto