धादिङ जिल्लाका १३ वटै पालिकाले आगामी आर्थिक वर्ष (२०८२/८३) को बजेट समयमै ल्याएका छन् । २ नगरपालिका सहित ११ वटा स्थानीय तह रहेका धादिङका प्रायः सबै पालिकाको प्राथमिकतामा शिक्षा,कृषि र सडक पूर्वाधार नै रहेको छ ।

संविधानले असार १० गते भित्र स्थानीय तहहरुले बजेट ल्याउनुपर्ने कानूनी ब्यवस्था गरेको छ । स्थानीय तहहरुले विभिन्न प्रक्रियाहरु पुरा गर्दै तोकिएकै असार १० गते भित्र बजेट, नीति तथा कार्यक्रम सार्वजनिक गरेका छन् ।

धादिङ जिल्लाका १३ वटै पालिकाले स्थानीय तहले अगामी आर्थिक वर्ष (२०८२/८३) को लागि १० अर्ब बढीको बजेट ल्याएका छन् । सबैभन्दा बढी नीलकण्ठले १ अर्व २२ करोड बढिको बजेट ल्याएको छ,भने सबैभन्दा कम खनियाबास ४४ करोड १५ लाखको बजेट ल्याएको छ ।

पहिलो बजेट ल्याउनेमा यस पटक सिद्धलेक गाउँपालिका प्रथम भएको छ ।असार ५ गते नै बजेट, नीति तथा कार्यक्रम सिद्धलेक गाउँपालिकाले सार्वजनिक गरेको हो । 

नीलकण्ठ नगरपालिकाले आगामी आर्थिक वर्ष २०८२/८३ का लागि कुल रु एक अर्ब २२ करोड ९३ लाख ५ हजारको बजेट सार्वजनिक गरेको छ । चालू आर्थिक वर्षकाे असार ५ सम्ममा ५४ दशमलव ४९ प्रतिशत मात्र बजेट कार्यान्वयन भएकाे उपप्रमुख दिपक विश्वकर्माले बताउनुभयाे । बजेट विवरण अनुसार, चालु खर्चतर्फ रु ८७ करोड २७ लाख ५३ हजार र पूँजीगत खर्चतर्फ रु ३५ करोड ६५ लाख ५२ हजार विनियोजन गरिएको छ । नगरपालिकाले आगामी वर्ष भौतिक पूर्वाधार, सामाजिक विकास, स्वास्थ्य र शिक्षातर्फ नियमित झैँ बजेट विनियोजन गरेको छ ।

सिद्धलेक गाउँपालिकाले ६० करोड ५७ लाख ८४ हजार ९१४ रुपैयाँको बजेट सार्वजनिक गरेको छ । स्वास्थ्य संस्थामा सुत्केरी हुनेलाई ५ हजार पोषण भत्ता, घरघरमै जेष्ठ नागरिकको स्वास्थ्य परीक्षण, निशुल्क एम्बुलेन्स सेवा, र स्थानीय उत्पादनको बजारीकरण जस्ता कार्यक्रम समेटिएका छन् ।  बजेटमा सडक, शिक्षा, कृषि, पशुपालन र स्वास्थ्य क्षेत्रमा प्राथमिकता दिइएको छ ।

नेत्रावती डबजोङ गाउँपालिकाले ४६ करोड २७ लाख ३२ हजार २ सय ९१  रुपैयाको बजेट पेश गर्नु भएको थियो । गाउँपालिकाको दुरगामी योजना अनुरुप भौतिक पूर्वाधारको मजबुत र दिगो विकासलाई प्राथमिकता दिएको छ । नेत्रावती डवजोङ गाउँपालिकाले आगामी बर्षमा बिशेष गरी सडक,शिक्षा, कृषि,स्वास्थ्य र पर्यटन प्रवर्धनमा जोड दिएको छ । आगामी बर्ष गाउँपालिकाले टुक्रे योजना कम गर्ने निति लिएको छ । कृषिमा पालिकाले बजारीकरणको लागी बिशेष पहल गर्ने भएको छ । एक घर एक टनेल कार्यक्रमलाई निरन्तरता दिएको छ । गाउँपालिकाका भित्रका बिद्याथीहरुलाई मेरो शेयर र डिम्याट एकाउन्ट खोल्ने कार्यको थालनी गरिने भएको छ ।

ज्वालामुखी गाउँपालिकाले आगामी आर्थिक वर्ष २०८२/८३ का लागि ६४ करोड ८ लाख ९० हजारको बजेट जसमा संघिय समानिकरण अनुदान १२ करोड ७३ लाख, सर्शत अनुदान २२ करोड ३३ लाख, विशेष अनुदान ८५ लाख, समपुरक अनुदान २ करोड ४५ लाख र राजश्व बाँडफाँड ८ करोड ५४ लाख रहेको छ । यस्तै प्रदेश तर्फ समानिकरण अनुदान १ करोड ३३ लाख ५ हजार, सर्शत अनुदान २ करोड १८ लाख १३ हजार, विशेष अनुदान ६५ लाख, समपुरक अनुदान २ करोड ७० लाख र राजश्व बाँडफाँड ३ करोड ८ लाख ९४ हजार रहेको छ । कृषिमा आधुनिकीकरण र व्यवसायीकरणमा जोड, पूर्वाधार विकास तथा दिगो व्यवस्थापन, शिक्षा क्षेत्रमा गुणात्मक सुधार,सर्वसुलव र गुणस्तरीय स्वास्थ्य सेवा प्रवाह, उत्पादन र उत्पादकत्वमा सुशासन र वित्तिय अनुशासन, खानेपानी, सरसफाई तथा स्वच्छता व्यवस्थापन, आन्तरिक रोजगार प्रवद्र्धनमा जोड दिने लक्ष्य लिएको छ ।

त्रिपुरासुन्दरी गाउँपालिकाले ६४ करोड ९० लाख रुपैयाँको बजेट पेश गर्नु भएको थियो । पालिकाले कृषि , शिक्षा, स्वास्थ्य, पर्यटन , रोजगारलाई प्राथमिकतामा राखेर कार्यक्रम सार्वजनिक गरेको हो । पालिकाले पूर्वाधार विकासलाई आगामी वर्षको कार्यक्रममा विशेष स्थान दिएको छ । पालिकाले गाउँ गौरवको आयोजनाहरुको लागि भनेर ६ करोड ६५ लाख छुट्याएको छ ।

गंगाजमुना गाउँपालिकाले ६२ करोड ११ लाख ६६ हजार ३ सय ५७ रुपैयाँको  बजेट पेश गर्नु भएको थियो । जसमा संघिय समानिकरण अनुदान ११ करोड ८४ लाख, सर्शत अनुदान २२ करोड ६७ लाख, विशेष अनुदान १ करोड ६५ लाख, समपुरक अनुदान २ करोड २५ लाख र राजश्व बाँडफाँड ८ करोड ७९ लाख रहेको छ । यस्तै प्रदेश तर्फ समानिकरण अनुदान १ करोड २३ लाख ८९ हजार, सर्शत अनुदान १ करोड ९५ लाख ८३ हजार, विशेष अनुदान ६५ लाख, समपुरक अनुदान ३ करोड ४२ लाख र राजश्व बाँडफाँड ३ करोड १४ लाख २३ हजार ७९६ रहेको छ । समग्रमा संघिय सरकारबाट ४७ करोड २० लाख ७० हजार ५६१ र प्रदेश सरकारबाट १० करोड ४० लाख ९५ हजार ७९६ गरी ५७ करोड ६१ लाख ६६ हजार ३५७ र गाउँपालिकाको आन्तरिक आयबाट १ करोड र मौज्दात संचित कोषमा ३ करोड ५० लाख गरी ६२ करोड ११ लाख ६६ हजार ३५७ रुपैयाँको रहेको छ ।आधारभुत तहको अनिवार्य तथा निशुल्क र माध्यमिक तह निशुल्क शिक्षा पूर्णरुपमा कार्यान्वयन गरिने, आयुर्वेद स्वास्थ्य केन्द्र स्थापना पर्ने, बाह्य उत्पादित पेय पदार्थ निरुस्ताहित गरी घरेलु पेय पदार्थ दही,मही लस्सी हरु भोज भतेर र अन्य कार्यक्रममा प्रयोग गर्न प्रोत्साहन गर्ने, कृषि उत्पादनलाई प्रविधिमैत्री बनाई कृषकहरुको लागि आधुनिक कृषि यन्त्र उपलब्ध गराउने, खानेपानी, सरसफाई तथा स्वच्छता व्यवस्थापन, आन्तरिक रोजगार प्रवद्र्धनमा जोड जस्ता कार्यक्रम समावेश छन् ।

बेनीघाट रोराङ गाउँपालिकाले ९३ कराेड ३० लाख ३१ हजारको बजेट सर्वसम्मत रुपमा पारित गरेकोछ।  चालु तर्फ ५८ दशमलव ५३ प्रतिशत र पुँजीगत तर्फ ४१ दशमलव ४७ प्रतिशत खर्च हुने  अनुमान गरिएकाे छ । क्षेत्रगत रूपमा आर्थिक विकासका लागि ६ करोड ३६ लाख रुपैयाँ, सामाजिक विकासका लागि ४२ करोड २७ लाख ३१ हजार रुपैयाँ, पूर्वाधार विकासका लागि ३१ करोड ८० लाख ५० हजार रुपैयाँ विनियोजन गरेको छ ।  शिक्षा, स्वास्थ्य, कृषि, पूर्वाधार, युवा तथा खेलकुद क्षेत्रलाई प्राथमिकता दिएको छ ।

धुनिवेशी नगरपालिकाले ९५ करोड २० लाख ८५ हजार ६ सय ८ रुपैयाँको  बजेट सर्वसम्मत रुपमा पारित गरेकोछ । नगरले आर्थिक विकास तर्फ ६ करोड १३ लाख, सामाजिक विकास तर्फ ३१ करोड ७१ लाख ३५ हजार ६ सय ८ रुपैयाँ,पूर्वाधार विकास तर्फ ३८ करोड ४२ लाख ५० हजार, सुशासन तथा अन्तर सम्बन्धित तर्फ १ करोड ५२ लाख र कार्यलय सञ्चालन तथा प्रशासनिक खर्च तर्फ १७ करोड ४२ लाख बजेट क्षेत्रगत रुपमा प्रस्तुत गरिएको छ । “धुनिवेशी नगरपालिकाको सम्वृद्धिको अधार, शिक्षा,स्वास्थ्य, कृषि,पर्यटन र व्यापार सहितको पृर्वाधार ” कृषि तथा पशुपालन क्षेत्र विस्तार’ ’एक वडा एक उत्पादन’ जेष्ठ नागरिक सेवा क्षेत्रलाई प्राथमिकता दिएको छ ।

थाक्रे गाउँपालिकाले ९३ करोड १२ लाख ४५ हजार रुपैयाँको बजेट सर्वसम्मत रुपमा पारित गरेकोछ ।  पालिकाले चालु खर्चतर्फ कुल बजेटको ४९ प्रतिशतले हुन आउने ४५ करोड ६३ लाख १० हजार ५० रुपैँया र पुँजीगततर्फ कुल बजेटको ५१ प्रतिशत हुन आउने ४७ करोड ४९ लाख ३४ हजार ९ सय ५० रुपैँया विनियोजन गरेको छ । आर्थिक विकासतर्फ ११ करोड ९५ लाख ३२ हजार, समाजिक विकासतर्फ ३१ करोड ७६ लाख १४ हजार, पुर्वाधार विकासतर्फ २५ करोड ११ लाख ५२ हजार, कार्यालय तथा प्रशासनतर्फ १८ करोड ७६ लाख ४७ हजार सु्शासन तथा अन्तरसम्बन्धित क्षेत्रतर्फ ५ करोड ५३ लाख विनियोजन गरिएको छ । पालिकाले आन्तरिक आयतर्फ ३२ करोड ११ लाख ८० हजार ६७६ रुपैयाँ रहने अनुमान गरेको छ । कृषि तथा पशुपालनलाई व्यवसायिक बनाउँदै उत्पादन वृद्धि, सीपमूलक तालिम र स्वरोजगारमा जोड दिइएको छ। साथै, पारदर्शी र प्रभावकारी प्रशासनमार्फत सुशासन प्रवर्द्धन गर्ने लक्ष्य रहेको छ ।

गल्छी गाउँपालिकाले ७३ करोड ४५ लाख २६ हजार ५ सय २५ रुपैँयाको   बजेट सार्वजनिक गरेको छ । प्रस्तुत बजेट मध्ये आन्तरिक आय स्रोतबाट २० करोड १८ लाख ५८ हजार ९ सय ५० रुपैँया, यस्तै सँघिय सरकारको वित्तिय समानिकरण अनुदान तर्फ १३ करोड ५२ लाख, राजश्व बाँडफाँडबाट ८ करोड ६६ लाख ५१ हजार, समपुरक अनुदान तर्फ ४० लाख, सर्शत अनुदान तर्फ २० करोड ४ लाख रहेको छ । यस्तै प्रदेश सरकारको वित्तिय समानिकरण तर्फ १ करोड ४३ लाख ४० हजार, प्रदेश सरकारको राजश्व बाँडफाँडबाट ३ करोड २८ लाख ५५ हजार, ५ सय ५५ रुपैँया, प्रदेश समपुरक अनुदानतर्फ २ करोड २४ लाख, प्रदेश विशेष अनुदान तर्फ ७० लाख प्रदेश सरकार ससर्त अनुदान २ करोड ३१ लाख ७२ हजारको अनुमान गरिएको छ । नीति तथा कार्यक्रममा कृषि, पर्यटन, शिक्षा, स्वास्थ्य र पूर्वाधार विकास लाई प्राथमिकता दिइएको छ ।

गजुरी गाउँपालिकाले ६७ करोड २२ लाख ९२ हजार रुपैयाँको  बजेट सार्वजनिक गरेको छ । चालु खर्चतर्फ र २३ करोड ८९ लाख ५० हजार रुपैयाँ (३५.५ प्रतिशत) पुँजीगत खर्चतर्फ छुट्याइएको छ । नीति तथा कार्यक्रम प्रस्तुत गर्दै विकासको प्राथमिकता कृषि, सिप र शिक्षा क्षेत्रमा केन्द्रित हुने बताएका छन् ।

खनियाबास गाउँपालिकाले ४४ करोड १५ लाख ८० हजार ५ सय रुपैयाँको  बजेट सार्वजनिक गरेको छ ।  कृषि तथा पशुपालनलाई व्यवसायिक बनाउँदै उत्पादन वृद्धि, सीपमूलक तालिम र स्वरोजगारमा जोड दिइएको छ। साथै, पारदर्शी र प्रभावकारी प्रशासनमार्फत सुशासन प्रवर्द्धन गर्ने लक्ष्य रहेको छ ।

रुवी भ्याली गाउँपालिकाले ४५ करोड ४७ लाख ३४ हजार रुपैयाँको बजेट ल्याएका छन् । कृषि तथा पशुपालनलाई व्यवसायिक बनाउँदै उत्पादन वृद्धि, सीपमूलक तालिम र स्वरोजगारमा जोड दिइएको छ। साथै, पारदर्शी र प्रभावकारी प्रशासनमार्फत सुशासन प्रवर्द्धन गर्ने लक्ष्य रहेको छ ।

पुरानै नीति तथा कार्यक्रमलाई प्राथमिकता दिएका स्थानीय तहहरु मध्ये कतिपय स्थानीय तहमा यस अघि जनप्रतिनिधिहरु वीच मतभेद हुँदा बजेट, नीति तथा कार्यक्रम समयमै जारी हुन सकिरहेको थिएन् । यस पटक भने सवै पालिकाहरुले समयमै आफ्नो जिम्मेवारी पुरा गरेका छन्  ।