बागमति प्रदेशमा पहिलो पटक समुदायस्तरमा विपद् व्यवस्थापनमा सक्रिय सहभागिता जनाउन सक्ने विपद् स्वयंसेवक धादिङको नीलकण्ठ नगरपालिकामा तयार पारिएको छ ।

ससस्त्र प्रहरी बल आश्रित गूल्म धादिङबेसीले नीलकण्ठ नगरपालिकाको सहयोगमा नीलकण्ठ नगरपालिका नगर प्रहरी, समुदायिक स्वयंसेवक, गृहिणी लगायतको गरि २५ जनाको सहभागितामा नीलकण्ठ नगरपालिका विभिन्न वडाका युवालाई लक्षित गरी मनसुनजन्य विपद् (बाढी, पहिरो, डुबान आदि) को जोखिमलाई ध्यानमा राखी समुदायमा तत्काल उद्धार, राहत तथा प्रारम्भिक मेडिकल फर्स्ट रेस्पोन्डर (घाइतेको जीवनरक्षाका लागि गरिने प्रारम्भिक उपचार), अग्निनियन्त्रण, डोरीद्वारा उद्धार, वन डढेलो नियन्त्रण, सडक दुर्घटनामा उद्धार, र भूकम्पजस्ता विपदमा कसरी काम गर्ने भन्ने विषयमा व्यावहारिक प्रशिक्षण दिइएको ससस्त्र प्रहरी बल आश्रित गुल्म धादिङका प्रहरी नायव उपरिक्षक लक्ष्मी थपलियाले जानकारी दिनुभयो ।

तालिम अन्तिम प्रवचन कार्यक्रमको अबसरमा १८ दिने तालिममा पानीबाट उद्धार गर्ने, भुकम्प तथा पहिरोमा हराएका मानिसको खोजी र उद्धार तथा प्रथामिक उपचारबारे प्रशिक्षर्थीहरुलाई सैद्धिान्तिक र व्यवहारिक ज्ञान दिइएको थियो ।

तालिम समापन कार्यक्रममा बागमति प्रदेशका मामला तथा कानून मन्त्रि सुरज चन्द्र लामीछानेले बागमति प्रदेश सरकारले सामुलदायिक स्वयंसेवक उत्पादन गर्नका लागि पालिकाहरुलाई मागको आधारमा ५÷५ लाखको दरले उपलब्ध गराउने निति भएपनि चालु वर्षमा धादिङ जिल्लामा गजुरी गाउँपालिकालेमात्र माग गरेको बताउनुभयो ।

कार्यक्रममा नीलकण्ठ नगरपालिका प्रमुख भिम ढुंगानाले विपदमा परिचालन गरिने राहत तथा सामाग्री परिचालनको निति सरल बनाउनु पर्ने र भौगोलिक अवस्था र जोखिमलाई मध्यनजर गर्दै अझ बढी विपद् स्वयंसेवक उत्पादनको आवश्यकता औँल्याउँदै सशस्त्र प्रहरी बलको यो पहलप्रति धन्यवाद व्यक्त गर्नुभयो । 

प्रमुख जिल्ला अधिकारी सुमन घिमिरेले जिल्लाको विपद पूर्व तयारी प्रतिकार्य योजना तथा मनसुनजन्य विपद प्रतिकार्य योजना तयार गरेर तयारी अवस्थामा रहेको बताउँदै राजमार्ग क्षेत्रमा हुनसक्ने जोखिमको ८६ स्थान पहिचान गरिएको र सुरक्षको प्रबन्ध मिलाइएको बताउनुभयो ।