कृषिमा आधुनिक प्रविधिको पहुँच विस्तार गर्ने उद्देश्यका साथ धादिङको ज्वालामुखी गाउँपालिकाले ५८ जना कृषकलाई हाते ट्याक्टर (मिनिटिलर) वितरण गरेको छ ।

ज्वालामुखी गाउँपालिकाले ५८ जना कृषकलाई ५० प्रतिशत अनुदानमा हाते ट्याक्टर (मिनिटिलर) प्रदान गरेको हो । गोरु पाल्नै छाडे, हलो जुवा बनाउने सीप पनि हराएर जान थालेको छ, महिलाहरुले समेत जोत्न मिल्ने भएकाले हाते ट्याक्टर उपयोगी छ, हिउँदे र बर्खे खेती लगाउन हाते ट्याक्टरबाट सहज हुन्छ कृषिमा आधारित रोजगारी सिर्जना, आय वृद्धिमा टेवा पुग्ने, र कृषकलाई आत्मनिर्भर बनाउने लक्ष्य साथ हाते ट्याक्टर (मिनिटिलर) अनुदानमा वितरण गरिएको ज्वालामुखी गाउँपालिका अध्यक्ष यामनाथ दनैले बताए ।

सडक सञ्जालको पहुँच विस्तार भएसँगै जिल्लाको ग्रामीण भेगमा खेतबारी जोत्ने काममा हाते ट्याक्टरको प्रयोग बढ्दै गएको छ ।