धादिङको उत्तरी भेगमा पर्ने त्रिपुरासुन्दरी गाउँपालिकाको सल्यानटारमा दिन दहाडै तोडफोड र चोरि डकैतिको घटना बढ्न थालेको छ ।

केही समय अगाडि ब्यक्तिको घर समेत तोडफोड गरि धनमाल चोरी भएको थियो, त्यसको केही साता नबित्दै पुनः सोही स्थानका साना किसान सहकारी संस्था, सल्यानटार बचत तथा ऋण सहकारी तोडफोड गरि सेफ नै फुटाएर नगद तथा सुन चोरी भएको छ । गत महिना मात्रै सल्यानटारमै रहेको महालक्ष्मी बचत तथा ऋण सहकारी संस्थामा यसै गरि चोरी भएको र घटना बारे प्रहरी प्रशासन लाई जानकारी गराए पनि प्रहरिले चासो नदेखाउँदा चोरिको घटना बढ्दै गएको संस्थाका अध्यक्ष चन्द्र प्रसाद तिमल्सिनाले बताउनुभयो । यसरी बारम्बार चोरी र लुटपाट हुन थालेपछि स्थानीयबासी चिन्तित बनेको उहाँको भनाइ थियो । चोरिको सिसिटिभी फुटेज नै उपलब्ध गराएपनि चोरिमा संग्लनलाई प्रहरीले पहिचान गरि समाउन नसकेको सहकारीका प्रबन्धक सुजन कडेलले समेत गुनासो गर्नुभयो ।
प्रारम्भिक जानकारी अनुसार सहकारी बाट ८ लाख ७१ हजार रुपैयाँ नगद र करिब ९ /१० तोला सुन चोरी भएको सल्यानटार बचत तथा ऋण सहकारी संस्थाका प्रबन्धक प्रकाश श्रेष्ठले बताउनुभयो । सल्यानटारमै रहेको साना किसान कृषि सहकारी लिमिटेडमा पनि सोही प्रकृति मै चोरीको प्रयास भएको सहकारीका अध्यक्ष फणिकान्त छत्कुलीको भनाई छ । यसरी पटक पटक योजनाबद्द रुपमा चोरी भएपनी प्रहरीले घटनामा संलग्नलाइ पक्राउ गर्न नसक्नुले फितलो सुरक्षा व्यवस्था लाई उदाङ्गो पारिदिएको स्थानियको भनाइ छ ।
चोरीका घटनामा अनुसन्धान गरिरहेका छौँ, गस्ती बढाइएको छ र चाँडै दोषीलाई पक्रेर कानुनी कारबाहीको दायरामा ल्याईने जिल्ला प्रहरी कार्यालय धादिङका सुचना अधिकारी प्रहरी नायव उपरीक्षक सुबास हमालले बताउनुभयो ।
गुरास मिडिया हाउसद्वारा प्रकाशित सम्पूर्ण सामग्रीहरु ओखर न्यूज डट कमका सम्पत्ति हुन्।
यसमा प्रकाशित कुनै पनि सामग्रीहरु पुन:प्रकाशन वा प्रसारण गर्नुअघि अनुमति लिनुहोला।
गुरास मिडिया हाउसद्वारा संचालित
ओखर न्यूज डट कम, OkharNews.com
कार्यालय: नीलकण्ठ न.पा.-३, धादिङबेशी, धादिङ
Email: [email protected]
सम्पर्क फोन: ९८५१२३६३८६, ९८४८५६५६५४
सञ्चार रजिष्ट्ररको कार्यालय
प्रेस काउन्सिल द.नं. - ४७२१/०८१-०८२
सञ्चार रजिष्ट्रारको कार्यालय,वागमती प्रदेश द.नं. - ००२८०/०८१-०८२
अध्यक्ष तथा प्रबन्ध निर्देशक – सन्तोष श्रेष्ठ
सम्पादक – अस्मिता कडवाल
व्यवस्थापक – शारदा अधिकारी
फोटो / सम्पादन – भिषण श्रेष्ठ