विद्यार्थीसंग मेयर कार्यक्रम: शिक्षा, पूर्वाधार र बालमैत्री शासन बारे छलफल" नीलकण्ठ नगरपालिका वडा नं . ७ मा रहेकाे सुनाैलाे भैरवी माध्यमिक विद्यालयमा विद्यार्थीसंग मेयर कार्यक्रम सम्पन्न भएकाे छ ।

अाइतवार नीलकण्ठ नगरपालिकाका प्रमुख भिमप्रसाद ढुंगानासंग विद्यालयका विद्यार्थी, अभिभावक, शिक्षक र अन्य सराेकारवालासंग छलफल भएकाे हाे । सुनाैलाे भैरवी माध्यमिक विद्यालयकाे शैशिक सुधार, बाेलमेैत्री स्थानीय शासन, पूर्वाधार विकास, अार्थिक पारदर्शिता लगायतकेा विषयमा दाेहाेराे छलफल भएकाे कार्यक्रममा नगरपालिकाकाे शिक्षा, युवा तथा खेलकुद शाखा प्रमुख प्रकाश दत्त भट्टले जानकारी दिनु भयाे । विद्यालय सुधारका लागि विद्यार्थी, अभिभावक र शिक्षकहरुबाट सुझाव लिने, शिक्षामा नगरपालिकाबाट भैरहेका कामहरु जानकारी गराउने, बालमैत्री स्थानीय शासन अवलम्वनका लागि प्रतिवद्धता लिने लयायतका उद्देश्यले विद्यार्थीसंग मेयर कार्यक्रम गरिएकाे पनि भट्टले जानकारी दिनुभयाे । कार्यक्रममा सहभागी विद्यार्थीहरुले विषयगत शिक्षककाे अभावमा अध्ययनमा समस्या भएकाे, खेलकुदका सामाग्री नहुँदा विद्यार्थिकाे वृत्तविकास हुन नसकेकाे, शिक्षकहरु बालमैत्री नभएकाे, विज्ञान प्रयाेगशाला कमजाेर रहेकाे लगायतका गुनासाहरु नगरप्रमुख सामु राखेका थिए । त्यसैगरि अभिभावकहरुले विद्यालयसम्म पुग्ने बाटाे स्तरउन्नती गर्नु पर्ने, अलपत्र अवस्थामा रहेकाे भवन निर्माण कार्यलाई पूर्णता दिनुपर्ने, शिक्षहरुलाई तालिमकाे व्यवस्था गर्नुपर्ने, व्यवस्थापन समिति गठन, शिक्षक नियुक्ति र सरुवामा  राजनीतिक हस्तक्षेप हुन नहुने विषयहरु उठाएका थिए । छलफलमा उठेका वपषयहरुलाई संवाेधन गर्दै नगर प्रमुख ढुंगानाले नगरपालिकाकाे श्राेत साधनले धानेसम्म विद्यालय सुधारमा काम गर्ने प्ररतिवद्धता व्यक्त गर्नुभएकाे छ । ढुंगानाले विषयगत शिक्षककाे व्यवस्था छिट्टै गर्ने, खेलकुदका सामाग्री तत्काल उपलव्ध गराउने, विज्ञान प्रयाेगशालाकाे स्तर उन्नती गर्ने र भाैतिक पूर्वाधारमा अागामी वर्षकाे कार्यक्रममा बजेट व्यवस्था गर्ने बचाउनु भयाे । नगर प्रमुख ढुंगानाले नगरपादिकाले छिट्टै बालमैत्री स्थानीय शासन  अवलम्वन गर्न लागेकाले सबै विद्यालयमा दण्ड रहित शैक्षिक वातावरण बनाउन निर्देशन पाि दिनु भयाे । अहिलेका बालबालिका भाेलिका राष्ट्र निर्माणका शक्ति भएकाे बताउँदै ढुंगानाले बालबालिबाकाे भवपष्य प्रति चासाे राख्न अभिभावकसंग अाग्रह गर्नु भयाे । विद्यालय पठाउँदैमा मात्रै बालबालिकाकाे पढाई राम्राे नहुने भन्दै नगर प्रमुख ढुंगानाले अभिभावकले घरमा पनि बाल मत्रीपूर्ण व्यवहार गर्दै समय दिनु पर्ने बताउनु भयाे । शैक्षिक संस्था राजनीतिबाट टाढा रहनुपर्छ भन्दै नगर प्रमुख ढुंगानाले कुनैपनि विद्यालयमा राजनीतिक हस्तक्षेप हुन नदिने र अाफूपनि नगर्ने बताउनु भयाे । कार्यक्रममा नगर उपप्रमुख दिपक विश्वकर्माले नगरपालिकाले कक्षा १२ सम्मकाे शिक्षा निशुल्क गरेकाे बताउँदै शिक्षा न्हेत्रमा नीलकण्ठले ठूलाे फड्काे मारेकाे दाबी गर्ननुभयाे । त्यसैगरि प्रमुख प्रशासकीय अधिकृत पुरुषाेत्तम सुवेदीले नगरपालिकाले अाफ्नाे कूल बजृटकाे ४५ प्,तिशत शिक्षा, युवा तथा खेलकुदमा लगानी गरेकाे तथ्यांक प्रस्तुत गर्नु भयाे । छलफल कार्यक्रममा विद्यालयका प्रधानाध्यापक नवराज पाठकले विद्यालयले गरिरहेबा कार्यक्रमहरु र अागामी याेजनाहरुका बारेमा जानकारी गराउनु भएकाे थियाे । छलफलका क्रममा अभिभावहरुले विद्यालयकाे लेखापरीक्षणका विषयमा कुरा उठाएका थिए । विगतकाे विद्यालय प्रशासनले अार्थिक अनियमितता गरेकाे, अख्तियारमा उजुरी रहेकाे र बरबुझारत समेत नगरेकाे विषय चर्काे रुपमा उठेकाे थियाे । यस विषयमा नगर प्रममुख ढुंगानाले छानविन गर्न सामाजिक विकास समितिका संयाेजक मञ्जु मगरकाे संयाेजकत्वमा समित गठन गरेकाे समितिले काम गरिरहेकाे बताउनु भयाे । समितिकाे प्रतिवेदनपछि सबै विषय टुंग्याउने र अार्थिक अनियमितता भेटिए असुलउपर गरेरै छाड्ने बताउनु भययाे । कार्यक्रममा विद्यार्थी र नगरप्रमुखबीच खुला संवाद भएको र आगामी दिनमा यस्तो कार्यक्रमलाई निरन्तरता दिने योजना रहेको शिक्षा शाखा प्रमुख भेट्टले जानकारी दिनुभयाे । "विद्यार्थीसँग मेयर" जस्तो कार्यक्रम विद्यार्थी र स्थानीय सरकारबीचको सम्बन्ध सुदृढ बनाउने एउटा उत्कृष्ट पहल भएको सहभागीहरूले बताएका छन्।" विद्यालय व्यवस्थापन समितिका अध्यक्ष रामहरि अधिकारीकाे अध्यक्षतामा भएकाे कार्यक्रमको अन्त्यमा नगरप्रमुख ढुंगानाले विद्यार्थीहरूलाई आफ्ना समस्या तथा सुझावहरू निरन्तर राख्न आग्रह गर्दै आगामी दिनमा पनि यस्तो संवादलाई निरन्तरता दिने प्रतिबद्धता व्यक्त गर्नुभयाे । विद्यार्थीसंग मेयर कार्यक्रमलाई रेडियाे धादिङका स्टेसन म्यानेजर राजाराम शर्माले सहजीकरण गर्नुभएकाे थियाे ।