धादिङको नीलकण्ठ नगरपालिकाले एसइई परीक्षामा उत्कृष्ट हुने विद्यार्थी र विद्यालयलाई पुरस्कृत गरेको छ । माध्यमिक शिक्षा परीक्षा एसइईमा नगर क्षेत्रका नीजि तथा सामुदायिक विद्यालयबाट एसईईमा ४ जिपिए ल्याएका छात्र र छात्रालाई नगरपालिकाले ५०/५० हजार नगदसहित सम्मान गरेको हो । नगर क्षेत्रका एसइई परीक्षामा शत प्रतिशत नतिजा ल्याउन सफल ४ विद्यालयलाई ४ लाख नगद सहित सम्मान गरेको हो ।

नगरपालिकाले शैक्षिक सत्र २०८१ को माध्यमिक शिक्षा परीक्षा एसइईमा नगर उत्कृष्ट हुने विद्यार्र्थी तथा विद्यालयलाई सम्मानपत्र, माला र नगद प्रदान गरिएको हो । सम्मानित हुनेहरुमा नीलकण्ठ बालमन्दिर माध्यामिक विद्यालयका सन्ध्या तिमल्सिना, सुनौलो भैरवी माध्यामिक विद्यालयकी प्रशंसा श्रेष्ठ, चिल्ड्रेनपार्क आवासिय माध्यामिक विद्यालयकी प्रिसिला तामाङ, न्यू किबो आवासिय बोर्डिङ स्कुलका समिर भण्डारी र आयुष शर्मालाई जनही ५०/५० हजार नगदसहित सम्मान गरिएको हो । त्यस्तै, शत प्रतिशत नतिजा ल्याउन सफल चार विद्यालयहरुलाई पनि पुरस्कृत गरिएको छ । पुरस्कृत हुनेहरुमा प्रकाश माध्यामिक विद्यालय, लामागुरु महादेव माध्यामिक विद्यालय, महेन्द्र माध्यामिक विद्यालय र भैरवी माध्यामिक विद्यालय रहेका छन् । यि चार विद्यालयले ४/४ लाख प्राप्त गरेका छन् । पुरस्कार प्राप्त रकम शैक्षिक उन्नयनमा खर्च गर्न पाइने बताइएको छ ।

सम्मानित सन्ध्या तिमल्सिनाले भनिन्– मेहनत र लगनशिलता बिना लक्ष्य प्राप्त गर्न संभव छैन,उत्कृष्ट नतिजाले मनोवल बढेको छ । यो सम्मानले भविष्यमा अघि बढ्न झनै सहयोग पुग्नेछ । म स्वयम् र मेरो परिवार तथा विद्यालय सबैका लागि हौसला हो ।

नगरपालिकाले निशुल्क शिक्षा प्रदान गरिरहेको छ । अब के गर्नुपर्छ, नतिजा ल्याउने आधार लिएर आउनुहोस् । शत प्रतिशत नतिजा ल्याउने प्रतिवद्धता गर्नुहुन्छ भने मागेको जति लगानी गर्न नगरपालिका तयार छ,जिल्लाभर ८ जना विद्यार्थीहरुले ४ जिपिए ल्याएकोमा तीमध्ये ५ जना नीलकण्ठ नगरपालिका भित्रका रहेका छन्, ३ जना अन्य पालिकाका रहेका छन् । यस उपलब्धिलाई शैक्षिक सुधारको संकेतका रूपमा लिँदै नीलकण्ठ नगरपालिकाका प्रमुख भीम प्रसाद ढुंगानाले शत प्रतिशत नतिजा ल्याउने हो भने जति आवश्यक परेपनि बजेट विनियोजन गर्ने बताए ।

नीलकण्ठ नगरपालिकाले विशेष योजना बनाएर काम गरिरहेको नीलकण्ठ नगरपालिकाका उप–प्रमुख दिपक विश्वकर्माले बताए । उनले भने– ‘निःशुल्क शिक्षादेखि शैक्षिक क्षेत्रमा योजना नै बनाएर काम गरिरहेका छौं । नगरपालिकाले गरेको लगानी अनुसार प्रतिफल पनि प्राप्त भइ रहेको छ । हामी सबैको पहल र सहकार्यले शैक्षिक क्षेत्रमा फड्को मार्नेछ ।

नीलकण्ठ नगरपालिकाका प्रमुख प्रशासकिय अधिकृत पुरुषोत्तम सुवेदीले एसईईको नतिजा शैक्षिक सुधारको संकेत रहेको बताए । ‘नगरपालिकाले शिक्षामा गरेको लगानीको प्रतिफल विस्तारै देखिरहेको छ । लगानी र नतिजा दुवै बढाउन सके शैक्षिक क्षेत्रमा अझै फड्को मार्न सकिन्छ’ उनले भने ।