नीलकण्ठ नगरपालिकाको १७औं नगरसभाको दोस्रो वैठकमा नगर प्रमुख भिमप्रसाद ढ्ङ्गानाले पेस गर्नुभएको खेद प्रस्ताव सर्व सहमतिले पास गरिएकाे हाे ।

नीलकण्ठ नगरपालिका प्रमुख,नेपाल नगरपालिका संघका अध्यक्ष समेत रहनुभएका भिम ढुंगानाकाे अध्यक्षतामा संचालन भएकाे नगर सभाले बागमति प्रदेश सरकारले सार्वजनिक गरिएको चालू आर्थिक वर्ष २०८२/८३ को लागि पेश गरेकाे बजेट विरुद्ध नगरसभा बैठकमा सहभागी जनप्रतिनिधिहरूले प्रदेशको बजेटले स्थानीय तहको आवश्यकता र प्राथमिकता समेट्न नसकेको भन्दै खेद प्रस्ताव पारित गरेकाे छ ।

खेद प्रस्ताव सर्वसम्मतिले पारित गर्दै नगरसभाले सभाले असन्तुलित र व्यक्ति र जिल्ला केन्द्रित बजेटप्रति गम्भीर आपत्ति प्रकट गर्दै, संवैधानिक मूल्य र समान विकासका सिद्धान्तहरूको पालना हुनुपर्नेमा प्रदेश सरकारको ध्यानाकर्षण समेत गराउनुको साथै आगामी दिनमा नीति निर्माण एवं बजेटमा पारदर्शिता, समावेशिता, र न्यायपूर्ण वितरणको प्रत्याभूति गर्न आग्रह समेत गरेको छ ।

बाग्मती प्रदेश सरकारद्वारा प्रस्तुत बजेट, प्रदेशको समग्र सन्तुलित विकास एवं संघीयताको मूल मर्म विपरित, व्यक्ति र पहुँच केन्द्रीत तथा अनुत्पादक र असन्तुलित देखिएकोले बजेट परिमार्जनका लागि नगरसभाले स्थानीय जनताको चाहना र आवश्यकता अनुसार कार्यक्रम समेटिएको छैन, यसप्रकारको बजेटले जनताको हितमा काम गर्न सक्दैन ।