जिल्ला विपद ब्यवस्थापन समिती धादिङको बैठकले विभिन्न महत्वपूर्ण निर्णय रहेको छ । प्रमुख जिल्ला अधिकारी सुमन घिमिरेको अध्यक्षता धादिङमा बसेको बैठकले विभिन्न महत्वपूर्ण निर्णय गरेको छ ।

बैठकले सशस्त्र प्रहरी बल नेपाल, वि.ओ.पी. तिप्लीङका लागि रुवीभ्याली गाउँपालिका–१ स्थित सिक्रेखर्क भन्ने ठाउँको पूर्वमा पाडसाङ सामुदायिक वन, पश्चिममा सिक्रेखर्क खोला, उत्तरमा निजी जग्गा र दक्षिणमा पाङसाङ जाने मूल सडकको बीचमा पर्ने करिब १६ रोपनी क्षेत्रफलको जग्गा वि.ओ.पी. स्थापनाका लागि सिफारिस गर्ने निर्णय गरिएको छ ।  केहिदिनअघि अविरल वर्षा र त्रिशूली नदीमा आएकाे बाढीका कारण  गल्छी गाउँ पालिका वडा नम्बर १ साेतिबट्टारमा २ घर, एउटा कालिज फर्म समेत सयाैँ राेपनी खेत बगायाे । जिल्ला विपद व्यवस्थापन समितिकाे शुक्रबार बसेकाे बैठकले साे स्थानकाे तत्काल स्थलगत अध्यायन गरि जाली, भर्ने तथा अन्य सहायता उपलब्ध गराउने निर्णय गरेकाे छ ।
नेत्रावती डवजोङ गाउँपालिकामा भारी वर्षाका कारण बोराड रातमाटे सबस्टेसन क्षेत्रमा आएको बाढी तथा पहिरोले जमिन, सिंचाइ कुलो, खानेपानी पाइप र सडकमा क्षति पुर्याएको जानकारी प्राप्त भएपछि नेपाल विद्युत प्राधिकरणको आयोजना कार्यालयमार्फत आवश्यक व्यवस्था मिलाउन आग्रह गरिएको छ । मनरुपी माध्यमिक विद्यालय, नीलकण्ठ–१३ मा मनसुनका कारण विद्यालय भवनमा क्षति पुगेर पठनपाठन प्रभावित भएको हुँदा तत्काल वैकल्पिक पठनपाठनको व्यवस्था गर्न नगरपालिकालाई निर्देशन दिइएको छ। साथै मर्मत तथा पुनःस्थापनाका लागि आवश्यक बजेट व्यवस्थापन गर्न अनुरोध गरिएको छ । मनसुनमा पहाडी सडकहरूमा बाढी र गेग्रान थुप्रिएर थप क्षति हुने अवस्था देखिएकाले सबै स्थानीय तहलाई नाला सफा गर्न लेन्थ वर्कर परिचालन गर्न र आवश्यक उपकरण उपलब्ध गराउन निर्देशन दिइएको छ ।
नीलकण्ठ  नगरपालिका–३ र १२ को थोपल खोलामा बाढीले थुपारिएको ग्रेगानका कारण पुल, सडक तथा बस्ती जोखिममा परेका कारण तत्काल जोखिम न्यूनीकरणका उपाय अवलम्बन गर्न नगरपालिकालाई अनुरोध गरिएको छ। जिल्ला विपद् व्यवस्थापन समितिले समग्र निर्णयहरू तत्काल कार्यान्वयनमा लैजाने प्रतिबद्धता समेत व्यक्त गरेको छ।मनसुनी वर्षाका कारण नीलकण्ठ नगरपालिका वडा नं. ८ र ज्वालामुखी गाउँपालिका वडा नं. ४ जोड्ने धौखोलाको पुलको एकातर्फको भाग क्षति भई मानिसहरु समेत आवत जावत गर्न नसक्ने अवस्था सृजना भएकाले यथाशिघ्र पुर्निमाण गर्न सम्बद्ध निकायमा अनुरोध गर्ने निर्णय गरेको छ।

निर्णयहरु तत्काल कार्यान्वयन गर्न र विपदमा पुर्व जानकारी लिएरमात्र कुनैपनि स्थानकाे भ्रमणन तथा यात्रा गर्न अनुराेध गर्दै विपद परेमा सहायता गर्न र सुरक्षाा निकायलाई सूचना दिन समेत आग्रह गरिएकाेे छ ।